कनकाई अनलाईन
दिवंगत आफ्ना माता पिताको पुण्यतिथिमा यहाँस्थित एक परिवारका छोराहरुले विद्यालयका विद्यार्थीलाई न्यानो कपडा आज किनेर प्रदान गरेका छन ।
कनकाई नगरपालिका ५ तुलसीवारी निवासी भुपालमान कार्की , गोपाल र चेतराजले आफ्ना दिंवगत माता पिता भगवती र तोयानाथ कार्कीको पुण्यतिथि पारेर स्थानीय देवकोटा प्राविका विद्यार्थीहरुलाई न्यानो कपडा र खानेकुरा वितरण गरेका हुन ।
दिवंगत पिता उक्त विद्यालयका पुर्व अध्यक्ष समेत रहेकाले मातापिताको स्मृतिमा अन्य कार्यक्रम गरेर फजुल खर्च गर्नुको साटो गरिव र जाडोको कपडा किन्न नसक्ने परिवार अध्यानरत् सो विद्यालयका ८० जना विद्यार्थीलाई न्यानो कपडा स्वीट्र प्रदान गरिएको भुपालमानसिंह कार्कीले बताउनुभयो । कार्यक्रममा बोल्दै विद्यालयका प्रअ बलबहादुर श्रेष्ठ र शिक्षिका ऐश्वर्य भेटवालले विद्यालयको कमजोर भौतिक र शैक्षिक अवस्था तथा जाडोको समयमा विद्यार्थीहरुले पर्याप्त कपडा लगाउन नपाएक्कै कारण दिनानुदिन विद्यालयमा विद्यार्थी घट्दै गएको बताउनुभयो । कार्यक्रममा स्थानीय समाजसेवीहरु यादव उप्रेती , भीष्म चुडाल , पुण्यप्रसाद ओझा , मोहन मिश्र लगायातले कार्की परिवारले आफ्ना दिवंगत मातापिताको नाममा गरेको कामको प्रसंसा गरेका थिए ।
