कनकाई अनलाईन ।
झापा शिवसताक्षी नगरपालिका १० माईधार सैनिक चोकमा अहिले ८ बजेर ५ मिनेट जादा एक मोटरसाईकललाई अज्ञात गाडीले ठक्कर दिदा मोटरसाईकल चालक मोरङ्ग टाडी ५ मा २६ बर्षिय दिवश लामाको घटनास्थलमै मृत्यु भएको छ , भने मोटरसाईकलको पछाडि बस्ने बर्ष ५६ को किसन तामाङ्ग घाईते बनेका छन । घाइतेको विर्तामोडस्थित विएण्डसी हस्पितलमा उपचार भइरहेको छ । मृतक लामाले चलाएको मे ८ प ८२५७ नम्बरको हरियो पल्सरलाई नम्बर नखुलेको गाडीले ठक्कर दिएको थियो ।
ठक्कर दिने गाडीको खोजी कार्य जारी रहेको इलाका प्रहरी कार्यालय झिलझिलेले जनाएको छ । रातीको समयमा घाइतेद्धय दुबै सडकमा छटपट्टाई रहेको वेला घाईलेलाई अस्पतालमा लगि घटनावारे प्रहरीलाई खबर गरिएको प्रत्यक्षदर्शी पत्रकार महासंघ झापाका सदस्य तथा कनकाई अनलाईनका सम्पादक लीलाराज झापालीले बताउनुभयो । घटना भएको स्थलको उत्तरतर्फ रतुवामाईको जंगल र दक्षिणतर्फमात्रै ग्रामिण क्षेत्र रहिआएको छ ।
