कनकाई अनलाईन
दूधे । शिवसताक्षीको दूधेको श्री संयुक्त भूत पूर्व सैनिक संघ नेपालले शिवसताक्षी नगरपालिकामा ज्ञापन पत्र बुझाएको छ ।
संघले भूतपूर्व सैनिक र सैनिक परिवारले पाउँदै आएको समाजिक सुरक्षा भत्ता कटौति भएको भन्दै ६ बुँदे मागसहित नरबहादुर राईको नेतृत्वमा नगरपालिकामा ज्ञापन पत्र बुझाएको हो ।
विगतमा सैनिकले गरेको योगदानलाई राज्यले विर्सिएको भन्दै आफुहरुले पाउँदै आएको सामाजिक सुरक्षा भत्ता काट्नु नहुने संघ अध्यक्ष तथा नेतृत्वकर्ता राईले बताए ।
भूतपूर्व सैनिक एकल महिलाको कटौति गरेको भत्ता फिर्ता गर्नु पर्ने, पाँच हजार भत्ता सुरक्षा सेवामा दिने घोषाणा अनुसार लागु गर्नु पन जस्ता माग ज्ञापन पत्रमा उल्लेख छ ।
नगरपालिकामा ज्ञापन पत्र बुझाउने क्रममा सहभागीहरुले नाराबाजी समेत गरेका थिए ।
ज्ञापन पत्र बुझ्दै शिवसताक्षी नगरपालिकाकी उपप्रमुख भोजकुमारी नेपालले मन्त्री परिषदको निर्णयबाट काटिएको सामाजिक सुरक्षा भत्ता फिर्ता भईसकेको बताइन् । उनले अब श्रावण महिनादेखि कै भत्ता पाउने समेत जानकारी दिइन् ।
ज्ञपान पत्र बुझाउने कार्यक्रममा करिव दूई सय सहभागी भएका थिए ।
