कनकाई अनलाईन
प्रधानमन्त्री तथा नेकपाका अध्यक्ष केपी शर्मा ओली हुर्किएको तथा उहाँले अध्यान गरेको क्षेत्र कनकाई नगरपालिका वार्ड नम्बर ५ चप्रामारीमा नेपाल कम्युनिष्ट पार्टी वार्ड नम्बर ५ को आयोजनामा बृहत शुभकामना आदान प्रदान र चियापान कार्यक्रमको आयोजना गरिएको छ ।
वडादर्सै , तिहार र छठ पर्वको अवशरमा नेकपाको पार्टी कार्यालयमा आयोजित शुभकामना आदानप्रदान कार्यक्रममा नेकपाका नेता कार्यकर्ता अन्य फरक दलका नेता , पत्रकार कनकाई नगरपालिकाका नगरप्रमुख , उपप्रमुख , वार्डध्यक्ष लगायातको सहभागिता रहेको थियो । कार्याक्रमका प्रमुख अतिथि कनकाई नगरपालिकाका प्रमुख राजेन्द्रकुमार पोखरेलले जनताको जनचाहना अनुसार आफुले नगरमा काम गरिरहेको र केहि कमीकमजोरी भएमा जहिलेपनि पार्टी र जनताको आदेश अनुसार चल्ने बताउनुभयो । उहाँले आफुले निर्वाचनताका घोषणा गरेका घोषणापत्रअनुसार काम गरिरहेको समेत बताउनुभयो ।
यता कनकाई नगरपालिका वार्डनम्बर ५ का वार्डध्यक्ष कृष्ण राईले पार्टीका जिम्मेवार सिपाईले जनप्रतिनिधिलाई सर्धै खबरदारी गरिरहन अनुरोध गर्नुभयो । नेकपाका नेता गोपाल प्रसाईले जनताको समृद्धिको चाहानालाई पुरा गर्न पार्टी सिपाई , जनप्रतिनिधिविच सधै सहकार्य गर्न अनुरोध गर्नुभयो । पुर्व जनप्रतिनिधि गोकर्ण ओझा , नेकपा कार्यादलका सदस्य कृष्ण खतिवडा , विण्णुप्रसाद बिमली , नेपाली कांग्रेसका वार्डअध्यक्ष गोविन्द कार्की , राप्रपाका रघुनाथ शिवाकोटी , संघिय लिम्बुवानका सीताराम राई लगायातका नेताले समेत शुभकामना दिनुभएको थियो । नेकपाका कार्यदल वार्ड सचिव पुण्यप्रसाद ओझाले कार्यक्रमको औचित्यमाथि प्रकाश पार्नुभएको कार्यक्रम नेकपाका नेता खड्ग प्रसाईले संचालन तथा नेकपाका वार्ड अध्यक्ष हेमकर्ण अधिकारीको संचालनमा सम्पन्न भएको थियो ।