कनकाई अनलाईन
गौरीगंज २६, भदौ र झापाको कमल गाउँपालिका वार्ड नं ६ मंगलबारेका कपडा व्यापारी खेमराज पौडेल मृत फेला परेको छ । गौरीगंज वार्डनं ६ बाह्सुद्दी स्थित विनोद यादवको धानखेत नजिक नालामा फ्याकिएको अवस्थामा आज विहान फेला परेको ईलाका प्रहरी कार्यालय गौरीगंजका प्रहरी निरीक्षक टेकेन्द्र पौडेल जानकारी दिनुभयो ।
घटना स्थलमा मे७ प १९०४ नम्बरको मोटरसाईकल, मोवाइल, व्याग फेला परेको छ । सोमबार हिजो बेलुका मृत पौडेल र उनकी श्रीमती संगै गौरीगंज बजार ताकेता आएका करिब ६ बजे बेलुका श्रीमतीलाई एक नास्ता पसलमा एक छिन बस्नु भनी हिडेका पौडेल राती ९ बजे मात्र अपहरणमा परेको प्रहरीलाई खबर भएको निरीक्षक पौडेलले जानकारी दिनुभयो । प्रहरीले रात अबेर सम्म मृत पौडेलको खोजी कार्य जारी राखेका थिए । प्रहरीले एक जना युवकलाई घटनामा संलग्न रहेको आशंकामा पक्राउ गरेको छ । मृत पौडेलको घाटी र टाउकोमा चुरा प्रहार भएको जनाईको छ । शवलाई पोस्टमार्टमका लागि भद्रपुर लाने तयारी गरिरहेको जनाईएको छ ।