कनकाई अनलाईन
प्रमोद तामाङ सुशासन पत्रकारिता पुरस्कारबाट साझा मञ्च अनलाइन पत्रिकाका सम्पादक गोपाल काफ्लेलाई पुरस्कृत गरिएको छ ।
नेपाल निजामती कर्मचारी संगठन झापा तथा राष्ट्र सेवक सहकारी संस्था लिमिटेड भद्रपुरले स्वर्गीय राष्ट्र सेवक प्रमोद तामाङको स्मृतिमा स्थापना गरेको सो पुरस्कारले ५ हजार १ सय ५१ नगद सहित सम्पादक काफ्लेलाई पुरस्कृत गरिएको हो । यसैगरी उत्कृष्ट राष्ट्र सेवक पुरस्कारबाट नासु अर्जुन पोखरेल र मेडिकल अधिकृत डा. गोविन्द कँडेललाई नगद १० हजार १ सय ५१ सहित पुरस्कृत गरिएको छ ।
नेपाल निजामती कर्मचारी संगठन झापाका अध्यक्ष केदार पोखरेलको अध्यक्षता तथा जिल्ला समन्वय समिति झापाका प्रमुख सोमनाथ पोर्तेलको प्रमुख आतिथ्यमा सम्पन्न कार्यक्रममा झापाका प्रमुख जिल्ला अधिकारी जनकराज दाहाल, सम्मानित व्यक्तित्व गोपाल काफ्ले, डा. गोविन्द कँडेल, पेशागत महासंघ प्रदेश १ का देवराज कार्की, नेपाल निजामती कर्मचारी संगठन केन्द्रीय सदस्य देवी पराजुली लगायतले शुभकामना मन्तव्य राखेका थिए ।
