कनकाई अनलाईन
विद्यालय स्तरका बाल बालिका भित्र रहेको कला उजागर गर्ने उदेश्यले झापा जिल्लाबाट प्रतिभा छनौट सुरु गरिएको छ ।र् रमपम स्कुल ट्यालेन्ट हट’ नाम दिइएको सो कार्यक्रममा गायन, नृत्य, अभिनय र मोडलिङ विधाका प्रतिभा छनौट सुरु भएको हो ।
भद्रपुर ६ स्थित मोर्डन अंग्रेजी माध्यमिक विद्यालयबाट सुरु भएको प्रतिभा छनोट कार्यले झापा जिल्ला भरी विद्यालय अडिसन गरी प्रतिभा छनोट गर्ने छ । पहिलो चरणमा छानिएका प्रतिभालाई दोस्रो चरणमा विर्तामोडमा प्रतिष्पर्धा गराइने जनाइएको छ । मोर्डन विद्यालयका एक सय बढी विद्यार्थीले भाग लिएको अडिसनबाट विभिन्न विधामा २१ जना छनौट भएका छन् । आयोजकले दिएको जानकारी अनुसार विधागत रूपमा जिल्ला स्तरीय फाइनल चरणमा प्रथम हुने विद्यार्थीले ५० हजार नगद सहित ल्यापटम पुरस्कार जित्ने छन् ।
