कनकाई अनलाईन ।
सतासी ८ फाउण्डेशन शिवसताक्षी १० ले आज विविध कार्यक्रमको आयोजना गदै कवि गोष्ठी समेत सम्पन्न गरेको छ ।
माइधारस्थित गैडे सामुदायिक वन समुहको सभाहलमा आयोजित कार्यक्रममा कवि साहित्कार तथा कैलास शिखर फाउण्डेशनका अध्यक्ष कैलास शिखर बनेमलाई समाज रुपान्तरणका लागि साहित्य र दान सहयोगबाट ठुलो सहयोग पुर्याएको भन्दै सम्मान गरिएको छ । कार्यक्रममा प्रमुख अतिथि शिवसताक्षी नगरपालिका १० का वार्डध्यक्ष कर्णबहादुर थापाले बनेमलाई सम्मानपत्र सहित दोसल्ला ओढाएर सम्मान गर्नुभयो । यसै अवशरमा शिवसताक्षी १० मा रहेका असहाय ३ जनालाई समेत जनही नगद ३ हजारका दरले सहयोग रकम हस्तान्तरण गरिएको थियो । सडक दुर्घटनामा परेर लामो समय कोमामा रहेर जिवन दान पाउनु भएकी गोमा गौतम , र आर्थिक अवस्था कमजोर रहनुभएका विरामी अवस्थामा दल बहादुर बराइली र मौशम विक रहनुभएको छ । सोहि अवशरमा जिल्लाका प्रतिष्ठित कवि कवियत्रीहरुले कविता वाचन गर्नुभएको थियो ।
कार्यक्रममा अभागी थेगुवा , विवस भलिभद्र कोइराला , सुन्दर कुरुप , लीला अनमोल , बिराट किराती , इक्साहाङ्ग चेम्जोङ्ग , लगायातका कवि कवियात्रीहरुले रचना बाचन गरेको कार्यक्रमको संचालन दिलिप घिमिरेले गर्नुभएको थियो भने कार्यक्रम सतासी ८ का कार्यवाहक अध्यक्ष कवि पत्रकार सेलिङ केसीको सभापत्विमा सम्पन्न भएको थियो ।