कनकाई अनलाईन
अत्याधिक गर्मी छल्न कनकाई माइमा पौडी खेल्न गएका एक युवाको आज डुबेर मृत्यु भएको छ ।
दिउसो साढे १ बजे पौडी खेल्ने क्रममा कनकाई नगरपालिका १ का २५ बर्षिय आशिस पोखरेलको कनकाई नगरपालिका २ धनुषकोटीधाम क्षेत्रको कनकाई माई नदिमा पौडी खेल्ने क्रममा पानीमा डुबेर घाइते बनेको र उपचारका क्रममा मृत्यु भएको हो ।
आफ्ना ४ साथीहरुका साथमा पौडी खेल्न गएका पोखरेललाई खोलाले बगाएको देखेपछि साथीहरुले खोलाबाट निकालेर उपचारका लागि सुरुङ्गास्थित मेरिगोल्ड हस्पिटलमा ल्याएका थिए । उपचारकै क्रममा उहाको मृत्यु भएको इलाका प्रहरी कार्यालय सुरुङ्गाले जनाएको छ । झापामा हाल अत्याधिक गर्मी बढेपछि झापामा रहेका नदिहरुमा हाल पौडी खेल्नेको भीड बढेको छ ।
