कनकाई अनलाईन
करफोक । करफोकमा जारी प्रथम सुर्योदय मेयरकप फुटबल प्रतियोगिताको मंगलबारको खेलमा विर्तामोड नगरपालिका बिजयी भएको छ । विर्तामोडले फिदिम नगरपालिकालाई १–० गोल अन्तरले पराजित गर्दै सेमीफाइनमा प्रवेश गरेको छ ।
विर्तामोडको जितमा खेलको २१ औ मिनेटमा जर्सी नं ९का विकेश लिम्बुले गरेको गोल नै निर्णायक बन्यो । निकै नै प्रतिस्पर्धात्मक बनेको खेलमा झापा–११ का खेलाडी सम्मिलित विर्तामोडलाई फिदिमले दबाबमा राखेको थियो । किपर विट भएको अवस्थामा आधा दर्जन मौकाहरु सदुपयोग गर्न नसक्दा फिदिम पहिलो चरणबाट बाहिरियो । मेचीका ११ नगरपालिका सम्मिलित प्रतियोगिताको फाइनल चैत्र ३ गते हुनेछ । बिजेताले नगद १ लाख २५ हजार र उपबिजेताले नगद ८५ हजार सहित शिल्ड, मेडल र प्रमाणपत्र प्राप्त गर्नेछन । प्रतियोगिता अन्र्तगत बुधवार अर्जुनधारा नगरपालिका र इलाम नगरपालिकाबिच प्रतिस्पर्धा हुनेछ ।
