कनकाई अनलाईन
सुरुङ्गा । , फागुन १४ गते । महिला खेलाडीहरुको अन्तनिहित क्षमता प्रस्फुटन गर्ने उदेश्यले झापा सुरुङ्गामा आगामि फागुन १७ गतेदेखि जिल्लास्तरीय महिला फुटवल प्रतियोगिता हुने भएको छ ।
कनकाई खेलकुद प्रतिष्ठानको आयोजनामा हुने प्रतियोगिताको यो तेस्रो संस्करण हो । आयोजक कनकाई खेलकुद प्रतिष्ठान सहित झापाका ८ वटा महिला फुटबल टिमको सहभागिता रहने प्रतियोगितामा विजयी र उपविजयी हुने टिमले क्रमश नगद ५५ हजार र ३५ हजार पाउने खेल संयोजक राजेन्द्रकुमार उप्रेतीले सोमवार पत्रकार सम्मेलनको आयोजना गरि जानकारी दिनुभयो ।
प्रतियोगितामा झापाका आयोजक कासा ११ ,जुनतारा खुदुनावारी , सनसाइन ज्यामिरगढी , सताक्षीधाम , हल्दीवारी , बाह्रदशी महिला क्लव , पारिजात सालवारी र झापा युवा परिवार झापा गाउँपालिकाको टिम रहने र उदघाटन खेल झापा गाउँपालिका र आयोजक कासा ११ सुरुङ्गाविच खेल हुने खेल संयोजक राजेन्द्रप्रसाद उप्रेतीले बताउनुभयो ।
