कनकाई अनलाईन
सुरुङ्गा । कनकाई नगरपालिका ३ मार रहेको मार्गदर्शन नेपालको तेस्रो वार्षिक साधरणसभा हालै सम्पन्न भएको छ । संस्थाका अध्यक्ष दुर्गा प्रसाईको अध्यक्षतामा सम्पन्न कार्यक्रममा प्रमुख अतिथि कनकाई नगरपालिका ३ का वडाअध्यक्ष रुद्रप्रसाद चिमरिया रहनुभएको थियो ।
उपाध्यक्ष श्याम कार्कीले स्वागत गर्नुभएको कार्यक्रम सहसचिव दिपक भट्टराइले संचालन गनुभएको थियो । कार्यक्रममा कनकाई सामुदायिक वन उपभोक्ता समुहका अध्यक्ष ख्याम ओली , कनकाई उद्योग वाणिज्य संघका उपाध्यक्ष मिनाल तिम्सिना , दिव्यरत्न माविका पिन्सिपल सागर ढुङ्गाना , सुरुङ्गा सहकार्य युवा क्लवका अध्यक्ष सुदिप भण्डारी , सुरुङ्गा जेसिजका कार्यकारीणी उपाध्यक्ष अर्जुन बोहोरा , समाजसेवी नारायण पोखरेल , मानबहादुर पौडेल लगायातले शुभकामना मन्तव्य राख्नुभएको थियो । कार्यक्रममा अध्यक्ष प्रसाईले संस्थाले बुद्धबुद्धा सम्मान , विभिन्न तालिम , सडक वत्ती , टोल सुरक्षाका लागि सुरक्षा साइरन लगायातका गतिविधि गर्दै आइरहेको बताउँनुभयो ।
