कनकाई अनलाईन
झापाको कनकाई नगरपालिकामा कनकाई ११ क्रिकेट टिम बन्ने भएको छ । कनकाई खेलकुद प्रतिष्ठानको आयोजना तथा कनकाई नगरपालिकाको प्रवद्धनमा यो टिम तयार हुन लागेको हो ।
टिम तयारीका लागि आगामि माघ २६ गतेदेखि फागुन ३ गतेसम्म कनकाई माविको खेल मैदानमा वार्डस्तरीय क्रिकेट प्रतियोगिताको आयोजना गरिएको खेल संयोजक तथा कनकाई खेलकुद प्रतिष्ठानका सदस्य विश्वविजय खरेलले जानकारी दिनुभयो ।
प्रथम पुरस्कार १६ हजार १११ र दोस्रो पुरस्कार ११ हजार १११ रहेको सो प्रतियोगिताबाट हरेक वार्डबाट उत्कृष्ट बलर , ब्याटम्यान , विकेटकिपर तथा फिल्डरहरुको छनौट गरी नियमित प्रशिक्षणमा राखिने कनकाई खेलकुद प्रतिष्ठानका अध्यक्ष दुर्गा प्रसाइले बताउँनुभयो । आगामी माघ २६ शुक्रवारको उदघाटन खेल बार्डनम्बर ३ र ९ विच विहान ११ बजे रहेको र फाइनल खेल फागुन ३ गते विहिवार विहान ११ वजेनै रहेको प्रतिष्ठानका सचिव दिनानाथ खतिवडाले जानकारी दिनुभयो ।
