कनकाई अनलाईन
कनकाई सामुदायिक वन उपभोक्ता समुह सुरुङ्गाका अध्यक्ष तथा युवा समाजसेवी ख्याम ओलीले झापाली पत्रकारहरुद्धारा संचालित सहारा पत्रकार उपचार कोषका लागि आज १० हजार रुपैँया प्रदान गर्नु भएको छ ।
ओलीले आफुले अध्यक्षको तलव भक्ताबापतको जम्मा भएको रकमबाट उपचारकोषका उत्त रकम प्रदान गर्नुभएको हो । ओलीले यस अगाडिनै सामुदायिक वनको निर्वाचन जितेमा वनबाट पाउने कुनैपनि रकम नलिने र सो रकमलाई कोष बनाएर गरिवका छोराछोरीलाई छात्रवृत्ति दिने तथा सामाजिक गतिविधिमा खर्चने घोषणा गर्नुभएको थियो । आफुले .देश र जनताको पक्षमा निरन्तर कलम चलाउने पत्रकार दुर्घटना तथा गंम्भिर विरामी परेको वेला मद्धत गर्नका लागि बनाइएको कोषमा आफुले सानोभएपनि सहयोग गर्न पाएको भन्दै ओलीले खुसी व्याक्त गनुभयो ।
उहाँले सो रकम पत्रकार सहारा उपचारकोषका संयोजक तथा पत्रकार महासंघका उपाध्यक्ष एकराज गिरी , सदस्य लीलाराज झापाली तथा पत्रकार महासंघ झापाका अध्यक्ष तारामणि सापकोटालाई हस्तानतरण गर्नुभएको थियो । एक करोड रुपैँयाको कोष बनाइ पत्रकारलाई भैपरि आउदा सहयोग गर्ने उद्धेश्यले झापामा सुरु गरिएको यस अभियानमा हालसम्म करिव ४० लाख रुपैँया संकलन भैसकेको संयोजक एकराज गिरीले बताउँनुभयो ।