सुरुङ्गा, असोज २९ । कनकाई अनलाइनका सम्पादक लीलाराज झापाली सम्मानित भएका छन् ।
डेढ दशकदेखि पत्रकारितामा क्रियाशिल उनले पत्रकारिताको माध्यमबाट समाज पुर्याएको योगदानको कदर गर्दै सुरुङ्गा प्रेस क्लबको दोस्रो वार्षिकोत्सवको अवसरमा सम्मान गरिएको हो ।
झापालीलाई कार्यक्रमका प्रमुख अतिथि कनकाई नगरपालिकाका मेयर राजेन्द्रकुमार पोखरेलले प्रमाण–पत्र, खादा र नगद ११ हजार १ सय ११ रुपैयाँसहित सम्मान गरे ।
उनीसँगै साहित्यतर्फ मित्रप्रसाद दाहाललाई सम्मान गरियो ।
विगत ५ दशकदेखि साहित्य क्षेत्रमा संलग्न उनका आधा दर्जन कृति प्रकाशित छन् ।
पोखरेल सम्मानित
सोही अवसरमा झापाका युवा पत्रकार गौरव पोखरेललाई समेत सम्मान गरिएको छ ।
अन्तर्राष्ट्रिय टिन सम्मेलन २०१७ मा वक्ताका रुपमा सहभागी भएका उनलाई कलिलै उमेरमा पत्रकारिताको माध्यमबाट सुरुङ्गा र झापाकै नाम राख्न सफल भएको भन्दै सम्मान गरिएको हो ।
