कनकाई अनलाईन
। कनकाई खेलकुद प्रतिष्ठानको आयोजनामा कनकाई माविको खेल मैदानमा आयोजित दोस्रो वडा स्तरीय फुटबल प्रतियोगिताको फाइनलमा वडा नं. ५ र ४ प्रवेश गरेका छन् । शुक्रबार भएको सेमिफाइनल खेलमा दुवै टिमले टाइब्रेकरमा कठिन जित निकाल्दै फाइनलको यात्रा सुरक्षित गरेका हुन् ।
वडा नं. ४ र ९ बीच भएको खेलमा टाइब्रेकरमा ४ ले ५–४ गोल अन्तरले ९ लाई पराजित गरेको हो । खेल अवधिभर दुवै टिमले गोल गर्न नसकेपछि खेलको निर्णय सोझै पेनाल्टी सुटबाट गरिएको हो ।
यसैगरी वडा नं. ३ र ५ बीच भएको दोस्रो सेमिफाइनल खेलमा वडा नं. ५ ले टाइब्रेकरमै २–३ गोल अन्तरले २ लाई पराजित गरेको हो । खेलअवधिभर समान एक एक गोल भएपछि खेल टाइब्रेकरमा धकेलिएको थियो । ५ नं.बाट शिवाकोटी र दुई नं. बाट दिलिप राईले समान एक एक गोल गरेका हुन् ।
कनकाई नगरपालिकाको लागि एउटा टिम तयार गर्नका लागि खेलाडि छनौठ गर्ने उद्देश्यले प्रतियोगिताको आयोजना गरिएको आयोजक कनकाई खेलकुद प्रतिष्ठानका अध्यक्ष ज्योतिकुमार उप्रेतीले बताए । प्रतियोगितामा प्रथम र द्वीतिय हुने टिमले नगद १६ हजार र ११ हजार पाउनेछन् । फाइनल खेल भोलि शनिबार हुनेछ ।
