कनकाई अनलाईन ।
सुरुङ्गा । भदौ १ गते । कनकाई खेलकुद प्रतिष्ठान सुरुङ्गाको आयोजनामा कनकाई माविको खेल मैदानमा जारी वार्ड स्तरीय फुटबल प्रतियोगिको विहिबार आज भएको खेलमा वार्ड नम्बर ४ र ९ विजयी भएका छन ।
४ र ८ नम्बर वार्डविच भएको पहिलो खेलमा ४ नम्बर २/१ गोल अन्तरले विजयी भएको छ । ४ नम्बरको तर्फबाट सुनिल थापा र केदार विकले १/१ गोल गरे भने ८ नम्बरबाट १ गोल राहुल खड्काले गरे ।
यसैगरी दोस्रो खेलमा ९ नम्बरको तर्फबाट एकमात्र निर्णायक गोल सनम वास्केले गरे । भोली शुक्रवार देखि क्वाटर फाईनलका खेलहरु ह्ुने आयोजक समितिका खेल संयोजक अर्जुन गिरीले बताए ।
पहिलो क्वाटर फाईनल खेल वार्डनम्बर ५ र १ तथा दोस्रो खेल ४ र ९ विच हुने आयोजक समितिका सदस्य सुवास श्रेष्ठले बताए । आगामी भदौ महिनामा हुने कनकाई नगर कप फुटवलका लागि खेलाडी छनौटका लागि प्रतियोगिता गरिएको तथा प्रतियोगितामा विजयी तथा उपविजयी हुने टिमले नगद १६ हजार र ११ हजार र ट्फी पाउने छन । फाईनल ३ गते हुने छ ।
