कनकाई अनलाईन ।
कनकाई नगरपालिका क्षेत्रमा अव धमाधम फुटबल प्रतियोगिता हुने भएको छ ।
आगामी साउन २७ गते शुक्रबार देखि द्रोस्रो वार्डस्तरीर नगरकप फुटवल हुने भएको छ ।
कनकाई खेलकुद प्रतिष्ठानको आयोजनामा कनकाई माविको खेलमैदानमा हुने सो प्रतियोगिता ३२ गतेसम्म चल्ने छ ।
सो प्रतियोगिताबाट कनकाई नगरपालिका क्षेत्रबाट ९ वटै वार्डबाट खेलाडी छनौट गरिने र सो टिमले कनकाई नगरपालिकाको तर्फबाट फुटवल खेल्ने टिम छनौट समितिका संयोजक तथा वरिष्ठ फुटबल प्रशिक्षक सन्त रायमाझिले बताउँनुभयो ।
प्रतियोगितामा प्रथम हुनेले नगद १६ हजार र शिल्ड तथा द्धितिय हुनेले ११ हजार नगद र शिल्ड पाउने छन ।
उदघाटन खेल कनकाई ३ र ९ विच हुने आयोजक कनकाई खेलकुद प्रतिष्ठानका अध्यक्ष ज्योतीकुमार उप्रेतीले बताए । प्रतियोगिताका लागि अर्जुन गिरीको संयोजकत्वमा झलक सिटौला , लीलु गिरी , विनोद उप्रेती , सुवास श्रेष्ठ , राजेन्द्र उप्रेती र लीलाराज झापाली सदस्य रहेको आयोजक समिति गठन गरिएको छ ।
यो प्रतियोगिता सकिनासाथ छनौट भएका खेलाडीहरुलाई बन्द प्रशिक्षणमा राखिने र भदौमा लग्गत्तै झापाका ८ नगरपालिकाविच दोस्रो कनकाई नगरकप जिल्ला स्तरीय फुटबलको आयोजना गरिन लागेको आयोजक संस्थाका कोषाध्यक्ष दुर्गा प्रसाईले वताउँनुभयो । सो प्रतियोगिता सकिनसाथ गोल्डकपको आयोजना हुने छ ।
