द्रोण अधिकारी
भद्रपुर नगरपालिकाका नव निर्वाचित जन प्रतिनिधिहरुले आजबाट पदभार ग्रहण गरेका छन् । भद्रपुर नगरपालिकाको कार्यालयको आयोजनामा नगर प्रमुख जीवनकुमार श्रेष्ठ, उपप्रमुख चन्द्रमाया श्रेष्ठ लगायत ५२ जना प्रतिनिधिहरुले पदभार ग्रहण गरेका हुन् ।
नगरपालिकाका कार्यकारी अधिकृत काजीमान राइको अध्यक्षतामा सम्पन्न कार्यक्रममा नगरपालिकाका पूर्व प्रमुखहरु ऋामप्रकाश सरावगी, पुष्पराज पोखरेल, भारतेन्दुकुमार मल्लिक, नेपाली काँग्रेसका तर्फबाट प्रमुख पदका प्रत्यासी गणेश पोखरेल लगायतले नव निर्वाचित प्रमुख, उपप्रमुख लगायत जनप्रतिनिधिहरुलाई सफल कार्यकालको शुभकामना व्यक्त गरेका थिए ।
यस अगाडि निर्वाचन आयोग प्रमुख निर्वाचन अधिकृतको कार्यालय भद्रपुरले एक समारोहका बीच निर्वाचित प्रमाण पत्र हस्तान्तरण तथा सफत ग्रहण कार्यक्रम सम्पन्न गरेको थियो ।
प्रमुख निर्वाचन अधिकृत सुदर्शनराज पाण्डेको अध्यक्षतामा सम्पन्न कार्यक्रममा नगर प्रमुख, उपप्रमुख लगायत वडाध्यक्षहरुलाई निर्वाचन अधिकृत पाण्डेले सफत ग्रहण गराएका थिए भने अन्य सदसयहरुलाई नगर प्रमुख जीवनकुमार श्रेष्ठले सफत ग्रहण गराएका थिए । यसपछि जननिर्वाचित प्रतिनिधिहरुको टोदी बाजागाजाका साथ नगरपालिकाको कार्यालय पुगेको थियो भने कर्मचारीहरले भव्य स्वागत गरेका थिए ।
