कनकाई समाचारदाता
। पुर्वको प्रमुख व्यापारिक नगरी विर्तामोड नगरपालिकामा नेकपा एमालेले मेयर उपमेयरमै विजय हात पारेको छ ।
विर्तामोड नगरपालिकाको मेयरमा एमालेका धु्रव शिवाकोटीले ९ हजार १ सय १० मत ल्याएर विजयी हुनुभएको छ ।
उहाँका निकत्तम प्रतिद्धन्द्धी नेपाली कांग्रेसका जलकुमार गुरुङ्गले ८ हजार २ सय १७ मत ल्याउनुभयो । शिवाकोटीले गुरुङ्गलाई ८ सय ९३ मतले पराजित गर्नुभयो । यसैगरी उपमेयरमा समेत नेकपा एमालेकी उम्मेद्धार पवित्रा महतरा प्रसाईले १० हजार ४ सय ३७ मत ल्याएर विजयी हुनुभएको छ ।
उहाँकी प्रतिद्धन्द्धी नेपाली कांग्रेसकी पार्वती गिरीले ९ हजार ११ मत ल्याउनुभयो । महतराले गिरीलाई समेत १४२६ मतले पराजित गर्नुभयो ।
यता राष्ट्रिय प्रजातन्त्र पार्टीका मेयर पदका उम्मेद्धार भक्ति सिटौलाले ६ हजार १ सय ७० र उपमेयरकी उम्मेद्धार लीला अनमोलले ३ हजार ८ सय ७६ मत ल्याउनुभयो । माओवादी केन्द्रका मेयर पदका उम्मेद्धार सिपि कड्रियाले ३ हजार ७ सय ९७ र उपमेयरकी उम्मेद्धार लक्ष्मी न्यौपाने सरुले ३ हजार ४ सय ४४ मत प्राप्त गर्नुभयो ।
