कनकाई । कनकाई खेलकुद प्रतिष्ठानको आयोजनामा शुक्रबार (आज) बाट अन्तर मावि स्तरीय फुटबल प्रतियोगिता हुँदैछ ।
कनकाई माविको खेलमैदानमा हुने उद्घाटन खेलमा कनकाई मावि, सुरुंगा र भृकुटी मावि, दुर्गापुरबीच प्रतिष्पर्धा हुने खेल संयोजक राजकुमार कट्टेलले जानकारी दिए ।
कनकाई मावि गत वर्षको विजेता टीम समेत हो ।
कनकाई नगरपालिकाको आर्थिक सहयोगमा शुक्रबार २ बजेदेखि सो प्रतियोगिताको विजयी र उपविजयी हुने टीमले नगद १५ हजार र १० हजारसहित मेडल र ट्रफी पाउने कनकाई खेलकुद प्रतिष्ठानका अध्यक्ष ज्योतिकुमार उप्रेतीले बताए ।
प्रतियोगिताको उद्घाटन कनकाई नगरपालिकाका कार्यकारी अधिकृत खगेन्द्र गिरीले गर्दैछन् । प्रतियोगितामा कनकाई नगर क्षेत्रका १४ विद्यालयले सहभागिता जनाएका छन् ।
प्रतिष्ठानले अघिल्लो वर्षदेखि हरेक वर्ष अन्तर मावि स्तरीय फुटबल गर्दै आएको छ ।
