कोटीहोम मन्दिरमा भक्तजनले चढाएको सबै दान चोरी


कनकाई अनलाईन
पुुर्वकै प्रसिद्ध धार्मिक स्थल कोटीहोम धार्मिक स्थलको मुल मन्दिरबाटै ४ वटा दान पेटीका फोरेर नगद चोरी भएको छ ।
वोलबमको सिजन भएकोले यस क्षेत्रमा अत्याधिक भक्तजनले पैसा दान पेटिकामा राखेको थाहा पाएपछि लागुऔषध प्रयोगकर्ताले दान पेटिका चोरी गरेको हुनसक्ने स्थानीयको भनाई छ ।

कोटीहोम क्षेत्र जुन रुपमा धार्मिक रुपमा विश्वभर ख्याति कमाएको छ त्यति नै रुपमा लागुऔषध प्रयोगकर्ता र अझ वन क्षेत्र भएकोले लागुऔषध खरिद विक्रीका लागि समेत सुरक्षित स्थल मानिदै आएको छ । रातीको समयमा दान पेटिकाको चाबी तोडेर सबै रुपैँया लगिएको पाइएकोले मन्दिरमा भएको सिसि टिभी फुटेज समेतलाई आधार मानेर थप अनुसन्धान थालिएको इलाका प्रहरी कार्यालय सुरुङ्गाका प्रहरी प्रमुख मानबहादुर जिम्बाले बताउँनुभयो । कोटीहोम धार्मिक विकास संस्थाको निर्वाचन समेत नजिकिदै गएको छ ।

नेतृत्वमा जान यस क्षेत्रका दल र स्वतन्त्र नागरिक समुुहको होडबाजी नै हुने गरेको छ । तर मन्दिरको सुरक्षाका लागि एक जना रात्रीकालिन चौकीदा समेत राख्न कसैको ध्यान पुगेन छ हामीले मन्दिरलाई भनेर दान दिन्छौ तर लागुुऔषध खरिद गर्न दान दिएजस्तो भयो भद्रपरबाट पुजाका लागि कोटीहोम आउनुभएका रामकुमार गणेशले भन्नुभयो ।

समितिको ध्यान मन्दिरको सुरक्षा भन्दापनि बजेट ल्याएर भौतिक संरचना बनाउने र फलानो समितिको फलानो पद भन्दै मख्ख पर्दै ठिक्क भएको स्थानीयवाशीको भनाई छ । कोटीहोम मन्दिरमा यस अगाडि समेत पटक पटक चोरी भएको घटना छ । यस पटक समेत मन्दिरभित्रै राखेको सबै दानपेटीका मुल मन्दिर समेत फुुटाएर चोरी भएपछि सर्वत्र चासो र जिज्ञासा छाएको छ । मन्दिरका पुुजारी पुुष्प खतिवडाले आफुहरु राती साढे ११ बजेसम्म मन्दिरमा बसेको र आफु सुतेपछि मन्दिर चोरी भएको हुनसक्ने बताउँनुभयो । कोटीहोम धार्मिक विकास संस्थाका सदस्य यामप्रसाद खतिवडाले पटक पटक मन्दिरमा चोरी हुन थालेपछि मन्दिर सुरक्षाका लागि चौकीदार राख्न कुरा उठेपनि हाललाई सिसि टिभी सम्म राखिएको बताउँनुभयो ।

यसअघि एउटा दान पेटिका मन्दिर फुटाएर चोरी गर्ने हालपनि जेलमै रहेका छन एउटै दान पेटीका फुुटाउदा २२ हजार रुपैँया लगेका थिए यसरी हेर्दा बोलबमको समेत सिजन भएकोले एक लाख रुपैँया भन्दा वढी रुपैँया दानपेटिकाबाट चोरी भएको हुनसक्ने आंकलन गर्रिको छ ।


सम्बन्धित शीर्षकहरु

कनकाई अनलाईनझापाको दुुई छुुट्टाछुट्टै स्थानमा भएको सवारी दुर्घटनामा परि २ जनाको ज्यान गएको छ ।आइतवार ५ बजेको समयमा मोटरसाईकल दुर्घटनामा…

कनकाई अनलाईनबिर्तामोड नगरपालिकाले अप्रत्यासित रुपमा कर बृद्धि गरेपछि नेपाली कांग्रेस क्षेत्र नं।–२ प्रदेश ‘क’ र बिर्तामोड नगरसमितिले सर्बसाधारण जनतालाई राहत…

कनकाई अनलाईनकाठमाडौं । चेक बाउन्स भएमा अब प्रहरीले पक्राउ गर्न सक्ने भएको छ । सर्वोच्च अदालतले आफैले गरेको फैसलालाई उल्टाउदै…

प्रतिकृयाहरू