अहिलेनेपालले माल्दिभ्ससँग भिडदै


कनकाई अनलाईन
– साफ यू–२० च्याम्पियनसिपको उद्घाटन खेलमा नेपालले आज ९सोमबार० माल्दिभ्सको सामना गर्दैछ ।

खेल भारतको भुवनेश्वरस्थित कालिंगा खेल मैदानमा नेपाली समयअनुसार अपरान्ह ४ः१५ बजेपछि हुनेछ । साफको फाइनल पुग्ने लक्ष्य लिएको नेपाल माल्दिभ्सलाई हराएर सुखद् सुरुआत गर्ने योजनामा मैदान उत्रनेछ ।

सिनियर राष्ट्रिय टोलीको समेत अनुभव बटुलिसकेका कप्तान आयुष घलानले च्याम्पियनसिपका लागि टोली तयार रहेको र माल्दिभ्सविरुद्ध ३ अंक जोड्न प्रयास गर्ने बताएका छन् । यस्तै नेपाली टोलीमा मुख्य प्रशिक्षक मेघराज केसीले टोलीको तयारी पूरा भएको र उपाधि जित्नेमा विश्वस्त रहेको बताएका छन् ।

‘नेपालमा मात्र नभई दक्षिण एसियामै उमेर समूहका प्रतियोगिता खासै भएको छैन,’ प्रशिक्षक केसीले भने,‘अन्य टोलीमा पनि स्वभाविक रुपमा परिवर्तन भएको होला । त्यसकारण प्रतिद्धन्दीका विषयमा खासै जानकारी छैन । तर हामी यहाँ जित्न आएका हौं ।’

झण्डै डेढ महिनायता युवा टोलीले च्याम्पियनसिपका लागि तयारी गरिरहेको छ । कोरोना महामारीका कारण पछिल्लो २ वर्ष देखी उमेर समुहको प्रतियोगिता हुन नसकेका कारण अखिल नेपाल फुटबल संघ ९एन्फा० ले यसपटक खेलाडीको खुला छनोट गरेको थियो ।

माल्दिभ्सका प्रशिक्षक अहमद शाकिरले नेपाली युवा टोली आफ्ना लागि पनि नौलो रहेको खेल्न कठिन हुने अनुमान गरे । यद्दपि टोलीका अधिकांश खेलाडी माल्दिभ्सको शीर्ष श्रेणीको लिग खेलिरहेको कारण नतिजा आफ्नो पक्षमा आउने विश्वास व्यक्त गरे ।

यसअघि यू–१८ र यू–१९ को नाममा हुँदै आएको च्याम्पियसिप यसपालीदेखि यू–२० को नामबाट हुँदैछ । यसअघि नेपालले सुरुवाती दुई संंस्करण जित्दा पछिल्लो संस्करण भारतले जितेको थियो ।

साउन ११ गते श्रीलंकासँग प्रतिस्पर्धा गर्ने नेपालले साउन १५ गते आयोजक भारतको सामना गर्र्नेछ । राउन्ड रोविनको अन्तिम खेल नेपालले साउन १७ गते बंगलादेशसँग खेल्नेछ । सहभागी ५ टोलीको राउन्ड रोविन पछि शीर्ष २ टोलीले फाइनल खेल्नेछन् ।

नेपाली यू २० टोली

गोलकिपर – ईश्वर गुरुङ, युनेश चौधरी, जियारथ शेख

रक्षक – अमर श्रेष्ठ, सोनित दाहाल, आयुष श्रेष्ठ, अजय चौधरी, सुमित श्रेष्ठ, सृजन धानी, रोशन थापा, अभिषेक वाइवा

मिडफिल्डर – दिपेश गुरुङ, आशिष राई, सन्दीप कार्की, जन्मजय धामी, मोहित गुरुङ, कृतिश रत्न छुन्जु, सुगम सुवाल, मनग्य नकर्मी, आयुष घलान

फरवार्ड – दिपेश राई, निरञ्जन मल्ल, रोशन खड्गी


सम्बन्धित शीर्षकहरु

कनकाई अनलाईनझापाको दुुई छुुट्टाछुट्टै स्थानमा भएको सवारी दुर्घटनामा परि २ जनाको ज्यान गएको छ ।आइतवार ५ बजेको समयमा मोटरसाईकल दुर्घटनामा…

कनकाई अनलाईनबिर्तामोड नगरपालिकाले अप्रत्यासित रुपमा कर बृद्धि गरेपछि नेपाली कांग्रेस क्षेत्र नं।–२ प्रदेश ‘क’ र बिर्तामोड नगरसमितिले सर्बसाधारण जनतालाई राहत…

कनकाई अनलाईनकाठमाडौं । चेक बाउन्स भएमा अब प्रहरीले पक्राउ गर्न सक्ने भएको छ । सर्वोच्च अदालतले आफैले गरेको फैसलालाई उल्टाउदै…

प्रतिकृयाहरू