भारतीयको हत्या गर्न ५ लाखको सुपारी


कनकाई अनलाईन
बिर्तामोड । झापा अर्जुनधारा–४ स्थित जुकेखाडी–साहसी टोलभित्रको ह्युमपाइपमा केहिदिन अघि बोरामा फेला परेको शवको पहिचान खुलेको छ । उक्त शव भारत गुजरातका ४० वर्षीय जपडिया नरेश कुमार बाबु भाईको भएको झापा प्रहरीले पत्रकार सम्मेलन गरि जानकारी गराएको छ ।

प्रहरीले उनको हत्यामा संलग्न तीन जनालाई शनिबार पक्राउ गरेर सार्वजनिक गरेको छ ।
पक्राउ पर्नेहरुमा अर्जुनधारा–७ की ३२ वर्षीया जानुका देवी थापा, ४९ वर्षीय विजय भन्ने बृख बहादुर थापा र सुनसरी जिल्ला बराहक्षेत्र नगरपालिका–१० बस्ने २५ बर्षीय सुरेश परियार रहेका छन् । उनीहरुलाई प्रहरीले आज पत्रकार सम्मेलन गर्दै सार्वजनिक गरेको छ । फरार रहेका एक जनाको खोजी भइरहेको प्रहरीले जनाएको छ ।
प्रहरीका अनुसार ५ लाखको सुपारी दिएर ती व्यक्तिको हत्या गरेको अनुसन्धानबाट खुलेको छ । सुपारी लिएर बराह क्षेत्रका परियार र अर्का एक व्यक्तिले हत्या गरेको झापाका प्रहरी उपरीक्षक विश्वमणी पोखरेलले जानकारी दिनुभयो ।
गुजरात घर भएका मृतकसँग जानुका थापाको भारतमै चिनजान भएको थियो । ०७६ सालमा कामको सिलसिलामा थापा भारत पुगेकी थिइन् । प्रहरीका अनुसार ५९ हजार भारतीय नक्कली नोट सहित पक्राउ परेका मृतक इटहरीमा तारेख धाइरहेका थिए । तारेख कै लागि उनी नेपाल आएको प्रहरीको भनाई छ ।
०७६ सालमा मृतकले थापाको छोराछोरीका लागि खेलौना पठाएको र थापाले ती भारतीय नागरिकबाट घर निर्माणको भनेर ५ लाख रुपैँया समेत सापटी लिएको पनि अनुसन्धानबाट खुल्न आएको प्रहरीले जनाएको छ ।
बिर्तामोडका डिएसपी रुगम बहादुर कुँवरले मृतक असार ७ गते भारतबाट अर्जुनधारा आएको र ८ गतेसम्म थापा कै घर बसेका मृतक ९ गते तारेखका लागि इटहरी गएर फेरि अर्जुनधारा नै फर्किएको बताउँनुभयो । ९ गते राती साढे ८ बजे मृतकसहित परियार र अर्का एक व्यक्तिले सँगै मादकपदार्थ खाएको र सोही समयमा कुटपिट गरि फलामको मार्तोलले शरिरका विभिन्न भागमा हिर्काएर हत्या गरेको प्रहरीको भनाई छ ।
तारिखको क्रममा अघिल्लो पटक नेपाल आउँदा मृतक जानुकाको घरमा बसेको र सो समयमा जानुकालाई दुर्व्यवहार गरेको हुँदा सोही समयमा जानुकाले उनको हत्या गर्ने योजना बनाएको एसपी पोखरेलले जानकारी दिनुभयो ।
अनुसन्धानमा उच्चस्तरको प्रविधि प्रयोग गरि मृतकको पहिचान गर्नुका साथै हत्यामा संलग्नहरुलाई पक्राउ गरिएको एसपी कुँवरको भनाई छ ।
हत्या गरे बापत थापाले परियारलाई २ पटकमा २ लाख र अर्का एक व्यक्तिलाई १ लाख दिएको अनुसन्धानबाट खुलेको छ । घटनास्थलबाट एउटा मोटरसाइकल, मार्तोल, फरुवा, खुकुरी, २ थान तन्ना, डोरी, झोला, ३ थान मोवाइल र २ वटा खाली बोतल फेला परेको थियो । प्रहरीका अनुसार हत्या पछि संलग्नहरुले पुर्ने सोच बनाएको तर अन्तिममा बोरामा प्याक गरेर थापाले आफ्नो मोटरसाइकलमा अर्का एक ब्यक्तिसहित लगेर ह्युमपाइपमा प्याँकेको प्रहरीले जनाएको छ । उनीहरु विरुद्ध कर्तव्य ज्यान मुद्धामा म्याद थप गरी अनुसन्धान अघि बढाइएको प्रहरीले जनाएको छ ।


सम्बन्धित शीर्षकहरु

कनकाई अनलाईनझापाको दुुई छुुट्टाछुट्टै स्थानमा भएको सवारी दुर्घटनामा परि २ जनाको ज्यान गएको छ ।आइतवार ५ बजेको समयमा मोटरसाईकल दुर्घटनामा…

कनकाई अनलाईनबिर्तामोड नगरपालिकाले अप्रत्यासित रुपमा कर बृद्धि गरेपछि नेपाली कांग्रेस क्षेत्र नं।–२ प्रदेश ‘क’ र बिर्तामोड नगरसमितिले सर्बसाधारण जनतालाई राहत…

कनकाई अनलाईनकाठमाडौं । चेक बाउन्स भएमा अब प्रहरीले पक्राउ गर्न सक्ने भएको छ । सर्वोच्च अदालतले आफैले गरेको फैसलालाई उल्टाउदै…

प्रतिकृयाहरू