कनकाईका दलित विद्यार्थीलाई छात्रवृति प्रदान


कनकाई अनलाईन
यहाँस्थित नेपाल दलित उत्थान संञ्जाल कनकाईले १८ जना दलित गरिब तथा जेहेन्दार विद्यार्थीलाई बुधवार आज छात्रवृत्ति प्रदान गरेको छ ।


संजालले आफ्नो अक्षयकोषबाट प्राप्त ब्याजबाट कनकाई नगरपालिकाका माध्यमिक तहमा अध्यानरत १८ जना विद्यार्थीलाई जनही ५ हजारका दरले छात्रवृत्ति प्रदान गरिएको संञ्जालका उपाध्यक्ष दलबहादुर विश्वकर्माले बताउँनुभयो ।


विद्यार्थीलाई कनकाई नगरपालिकाका प्रमुख राजेन्द्रकुमार पोखरेलले उक्त छात्रवृत्ति रकम प्रदान गर्नुभएको थियो । सोहि अवशरमा संञ्जालले कनकाई नगरपालिकाबाट निर्वाचित दलित महिला सदस्य र नगरप्रमुख, उपप्रमुखलाई समेत सम्मानित गरिएको थियो । केहि बर्ष पहिले कनकाई नगरपालिकाले नेपाल दलित उत्थान सञ्जाललाई अक्षयकोषका लागि ५ लाख रुपैँया र तत्कालिन संविधानसभा सदस्य प्रेमबहादुर गिरीले थप एक लाख रुपैँया समेत प्रदान गर्नुभएको थियो । उक्त अक्षयकोषको ब्याजबाट संञ्जालले कनकाईका ९ वटै वार्डबाट प्रत्येक वार्डबाट २ जनाको दरले १८ जनालाई छात्रवृत्ति रकम प्रदान गरेको हो ।
छात्रवृत्ति प्रदान कार्यक्रममा बोल्दै प्रमुख अतिथि कनकाई नगरपालिकाका प्रमुख राजेन्द्रकुमार पोखरेलले दलित विद्यार्थीका लागि हरेक बर्ष नगरले शिक्षामा बजेट बिनियोजन गर्ने र दलित विद्यार्थीलाई प्राविधिक शिक्षामा समेत अभिप्रेरित गरिदै लैजाने प्रतिवद्धता जनाउनुभयो ।
कार्यक्रममा कनकाई नगरपालिकाका कार्यपालिका सदस्य सावित्रा बर्देवा, विद्यार्थी सुजन वयलकोटी, सल्लाकार भक्त घतानी, दलित युवा संजालका कनकाईका अध्यक्ष कैलास नेपाली, संञ्जालका पुर्वअध्यक्ष डम्बर सांसकार लगायातले दलितका शिक्षा र अन्याय पर्दाका वेलामा समेत संञ्जालले काम गर्नुपर्नेमा जोड दिनुभयो ।
कार्यक्रम संजालका अध्यक्ष ठाकुर रसाईलीको सभापतित्व तथा सचिव प्रदिप गजमेरको संचालनमा कनकाई १ स्थित दलित सामुदायिक भवना सम्पन्न भएको थियो ।


सम्बन्धित शीर्षकहरु

कनकाई अनलाईनकनकाई बहुमुखी क्याम्पसका मानविकी स्नातक तेस्रो बर्षका विद्याथीैहरुद्धारा पत्रकारिता अभ्यास पत्रिका कनकाई सन्देश विशेष कार्यक्रमका विच राजनैतिक विश्लेषक डाक्टर…

कनकाई अनलाईनललितपुर, भदौ १ गते । रौतहट राजपुर नगरपालिकाकी उपप्रमुख जमिला असगरी स्थानीय तहको निर्वाचनअघि पनि सामाजिक कार्यमा सक्रिय हुनुहुन्थ्यो…

कनकाई अनलाईनयसबर्षको डि कौडिन्य पत्रकारिता पुरस्कार कनकाई अनलाईन तथा कनकाई साप्ताहिकका सम्पादक प्रकाशक लीलाराज झापालीलाई प्रदान गरिने भएको छ ।…

प्रतिकृयाहरू