झापामा तेस्रो अन्तर्राष्ट्रिय औद्योगिक व्यापार महोत्सव सम्पन्न, चार करोड बढीको कारोबार


कनकाई अनलाईन
भद्रपुररझापा । मेची उद्योग वाणिज्य संघको आयोजनामा झापाको धुलाबारीमा सञ्चालित तेस्रो अन्तर्राष्ट्रिय औद्योगिक, व्यापार, कृषि तथा पर्यटन महोत्सव आज सम्पन्न भएको छ ।

एशियन थाइ फुडको उत्पादन रमपम चाउचाउ मुख्य प्रायोजक र मेचीनगर नगरपालिका संरक्षक रहेको महोत्सवको भण्डै एक लाख अवलोकनकर्ताले अवलोकन गरेको र चार करोड रुपैयाँभन्दा बढीको कारोबार भएको आयोजक संघका अध्यक्ष ऋषिराज तिम्सिनाले जानकारी दिनुभयो ।

यही पुस ९ गते प्रदेश नं १ का मुख्यमन्त्री शेरधन राईले उद्घाटन गर्नुभएको महोत्सवमा नेपाललगायत भारत, बंगलादेश, र पाकिस्तानका गरी दुई सय स्टल रहेका र सबैले उल्लेख्य कारोबार गरेका थिए भने विदेशी अवलोकनकर्ताहरुको पनि उल्लेख्य सहभागिता रहेको संघका महासचिव ध्रुव कनालले जानकारी दिनुभयो ।

महोत्सवमा जुम्लाको मार्सी चामलदेखि इलामको जौबारीमा उत्पादित बहुमूल्य बनस्पति केसरसम्मको स्टल रहेको थियो ।

आज समापन समारोहका प्रमुख अतिथि प्रदेश नं १ का आन्तरिक मामिला तथा कानुनमन्त्री हिक्मत कार्कीले आर्थिक बिकासमा यस्ता महोत्सवको महत्वपूर्ण भूमिका रहने भन्दै झापामा आवश्यक जग्गा उपलब्ध भए प्रदेश सरकारले सुविधासम्पन्न प्रदर्शनीस्थल निर्माण गर्ने जानकारी दिनुभयो ।

महोत्सव अवधिमा अर्थविज्ञहरुको सम्भाषण, निर्यात व्यापारसम्बन्धी अन्तरक्रियाहरुसमेत गरिएको थियो भने राष्ट्रिय कलाकारहरुको प्रस्तुति पनि रहेको संघका सचिव रविचन्द्र नेपालले जानकारी दिनुभयो ।


सम्बन्धित शीर्षकहरु

कनकाई अनलाईनललितपुर, भदौ १ गते । रौतहट राजपुर नगरपालिकाकी उपप्रमुख जमिला असगरी स्थानीय तहको निर्वाचनअघि पनि सामाजिक कार्यमा सक्रिय हुनुहुन्थ्यो…

कनकाई अनलाईनयसबर्षको डि कौडिन्य पत्रकारिता पुरस्कार कनकाई अनलाईन तथा कनकाई साप्ताहिकका सम्पादक प्रकाशक लीलाराज झापालीलाई प्रदान गरिने भएको छ ।…

कनकाई अनलाईनशरणामती।झापाको झापा गाउँपालिकामा रहेको सशस्त्र प्रहरी बल नेपालको टाघनडुब्बा विओपीबाट २९ महिनामा सशस्त्र प्रहरी निरिक्षक सचिन प्रधानको सरुवा भएको…

प्रतिकृयाहरू