कार्यक्रममा ढिलो आएको भन्दै धरानमा पत्रकार कुटिए


कनकाई अनलाईन
धरानस् नेपाल पत्रकार महासंघ सुनसरीका उपाध्यक्ष सन्तोष काफ्लेमाथि आज बिहिबार दिउँसो आक्रमण भएको छ ।

सल्लेरी वचत तथा ऋण सहकारी संस्थाका पीडित वचतकर्ताहरुले पत्रकार काफ्लेलाई आक्रमण गरेका हुन् । उनीहरुको आन्दोलनको समाचार संकलन गर्न ढिला पुगेको भन्दै गालीगलौज गर्दै केही पीडित भनिएका वचतकर्ताहरुले काफ्लेमाथि एक्कासी आक्रमण गरेका हुन् । आक्रमणबाट पत्रकार काफ्लेको देब्रे आँखामा गम्भीर चोट लागेको छ भने नाचको टुप्पो भाँचिएको सिटिस्क्यानबाट देखिएको छ ।

उनलाई विजयपुर हस्टिपलमा प्रारम्भिक उपचार गरी अहिले वीपी कोइराला स्वास्थ्य विज्ञान प्रतिष्ठानमा थप उपचारको लागि लगिएको छ । स्वास्थ्य अवस्था भने उनको खतरामुक्त छ । ‘समाचार लेख्न किन ढिलाई आइस भनेर विवाद गर्न थाल्यो, एक जनाले त हानीहाल्यो,’घाइते पत्रकार काफ्लेले भने । पत्रकार काफ्ले न्युज२४ टेलिभिजनमा कार्यरत छन् ।

काफ्लेलाई नरेश साही, दिपक राई र एक महिलाले आक्रमण गरेका हुन् । भीडमा अन्यले पनि कुटपिट गरेको बताइएको छ । पत्रकार आक्रमणको आशंकामा सल्लेरी पीडित वचतकर्ताहरु २१ जनालाई प्रहरीले नियन्त्रणमा लिएको डिएसपी ढुण्डीराज न्यौपानेले जानकारी दिए । घाइते पत्रकार काफ्लेको वयान तथा उजुरीको आधारमा निर्दोष देखिएकाहरुलाई भने छाडिने डिएसपी न्यौपानेले बताए ।


सम्बन्धित शीर्षकहरु

कनकाई अनलाईनझापाको दुुई छुुट्टाछुट्टै स्थानमा भएको सवारी दुर्घटनामा परि २ जनाको ज्यान गएको छ ।आइतवार ५ बजेको समयमा मोटरसाईकल दुर्घटनामा…

कनकाई अनलाईनबिर्तामोड नगरपालिकाले अप्रत्यासित रुपमा कर बृद्धि गरेपछि नेपाली कांग्रेस क्षेत्र नं।–२ प्रदेश ‘क’ र बिर्तामोड नगरसमितिले सर्बसाधारण जनतालाई राहत…

कनकाई अनलाईनकाठमाडौं । चेक बाउन्स भएमा अब प्रहरीले पक्राउ गर्न सक्ने भएको छ । सर्वोच्च अदालतले आफैले गरेको फैसलालाई उल्टाउदै…

प्रतिकृयाहरू