प्रथम बाह्रदशी नकआउट भलिबल प्रतियोगिता आजबाट


कनकाई अनलाईन
प्रथम बाह्रदशी स्थानीय तह स्तरीय नकआउट पुरुष भलिबल प्रतियोगिता बुधवारदेखि झापाको बाह्रदशीमा संचालन भएको छ ।

चारदिन सम्म संचालन हुने प्रतियोगितामा झापाका १४ वटा गाउँपालिका र नगरपालिकाले सहभागिता जनाउँने भएका छन् । खेल संचालक समितिका अध्यक्ष रामदर्शन तामाङको सभापतित्व रहेको प्रतियोगिताको उद्घाटन बाह्रदशी गाउँपालिकाका अध्यक्ष खड्गप्रसाद राजवंशीले गरेका थिए । खेलको माध्यमवाट झापाका सवै स्थानीय तहहरुसँगको सम्वन्धलाई अझै सुमधुर बनाउँनकालागि यस किसिमको प्रतियोगिताको आयोजना गरिएको गाउँपालिका अध्यक्ष राजवंशीले बताएका छन् ।

प्रतियोगिताको उद्घाटन खेल आयोजक बाह्रदशी र कचनकबल गाउँपालिका विच भएकोमा २५ ् ११ र २५ ् १९ को साझो सेटले आयोजक बाह्रदशी गाउँपालिका विजयी भएको आयोजक समितिका सदस्य कृष्णमोहन गौतमले बताएका छन् । त्यस्तै प्रतियोगिताको दोस्रो खेल हल्दीबारी गाउँपालिका र गौरादह नगरपालिका विच हुने भनिएकोमा हल्दीबारीका खेलाडीको अनुपस्थितीका कारण वाक ओभरमा गौरादह नगरपालिकालाई विजयी घोषीत गरिएको वताइएको छ । त्यस्तै मेची नगर र बुद्धशान्ती गाउँपालिका विच भएको तेस्रो खेलमा दुबै पटक २५ ्२३ कै सोझो सेटले मेची नगर नगरपालिकाका खेलाडी विजयी भएको आयोजक समितिले जनाएको छ ।

बाह्रदशी गाउँपालिकाको वडा नं।४ र ५ को संयोजनमा सम्पन्न प्रतियोगितामा पहिलो हुने टिमलाई ५१ हजार नगद, प्रमाण पत्र र ट्रफी साथै दोस्रो हुने टिमलाई ३१ हजार नगद, प्रमाण पत्र र ट्रफी वितरण गरिने वताइएको छ । प्रथम पुरस्कार बाह्रदशी गाउँपालिकाले र दोस्रो पुरस्कारको राशी कर्णाली बचत तथा ऋण सहकारी संस्थाले सौजन्य गरेको खेलकुद विकास समिति बाह्रदशी गाउँपालिकाका अध्यक्ष देबेन्द्र चम्लगाईँले वताएका छन् । गाउँपालिकाले खेलकालागि विनियोजन गरेको १० लाख रुपैंयाँ मध्येवाट पालिकाभरी विभिन्न खेलकुदका गतिविधी संचालन गरिने खेलकुद विकास समितिका अध्यक्ष चम्लगाईँ वताउँछन् ।

 शनिवार सम्म संचालन हुने प्रतियोगिताको दोस्रो दिन विहिवार झापा र गौरीगञ्ज गाउँपालिका, विर्तामोड र कनकाई नगरपालिका त्यसैगरी दमक र शिवसताक्षी नगरपालिका विच खेल हुने बाह्रदशी गाउँपालिका वडा नं। ४ का वडाअध्यक्ष समीम मियाले बताएका छन् । प्रतियोगिताको भलिबल तर्फका प्रदेशस्तरीय एम्पायर राजु पाठकको नेतृत्वमा खडानन्द खतिवडा र काजी गुरुङ् लगायतका एम्पायरहरुले संचालन गरिरहेका छन् ।

सम्बन्धित शीर्षकहरु

कनकाई अनलाईनललितपुर, भदौ १ गते । रौतहट राजपुर नगरपालिकाकी उपप्रमुख जमिला असगरी स्थानीय तहको निर्वाचनअघि पनि सामाजिक कार्यमा सक्रिय हुनुहुन्थ्यो…

कनकाई अनलाईनयसबर्षको डि कौडिन्य पत्रकारिता पुरस्कार कनकाई अनलाईन तथा कनकाई साप्ताहिकका सम्पादक प्रकाशक लीलाराज झापालीलाई प्रदान गरिने भएको छ ।…

कनकाई अनलाईनशरणामती।झापाको झापा गाउँपालिकामा रहेको सशस्त्र प्रहरी बल नेपालको टाघनडुब्बा विओपीबाट २९ महिनामा सशस्त्र प्रहरी निरिक्षक सचिन प्रधानको सरुवा भएको…

प्रतिकृयाहरू