झापा गाउँपालिकामा भित्रियो आलु रोप्ने मेशिन


कनकाई अनलाईन
झापाको झापा गाउँपालिका ७ झाटीका अगुवा कृषकको अगुवाईमा आलु रोप्ने मेशिन भित्रिएसगै यस क्षेत्रका कृषकहरु कृषिमा प्रविधिको प्रयोगमा अग्रणी बनेका छन ।
स्थानीय देउमाई कृषि सहकारी संस्थाले ३ लाख रुपैँयाको लागतमा यो मेशिन भित्राएको हो । सो कृषि सहकारी संस्थाले बिउका लागि मात्रै यसबर्ष डेढ बिगाह जमिनमा उन्नत जातको आलु रोपेको र आफ्नो सहकारीको आलु रोपेपछि बाकी समय अन्य कृषकको आलुरोप्न समेत सो मेशिन उपलब्ध गराइने कृषि सहकारी संस्थाका अध्यक्ष इश्वरप्रसाद दाहालले बताउनुभयो । कृषि सहकारी संस्थालाई सो मेशिन खरिदका लागि झापा गाउँपालिकाले आर्थिक सहयोग गरेको वडाध्यक्ष नेत्रप्रसाद उप्रेतीले बताउनुभयो । मेशिन गाउँमा ल्याएपछि उचित मात्रामा मल विउ बिजन पर्ने र पछि आलु गोड्नुपर्ने झन्झटबाट समेत मुक्ति मिलेको वार्डसदस्य मोहन पोखरेलले बताउनुभयो । कृषक समुहले आफ्नो उत्पादनबाटै अवको केहि बर्षमा कम्तीमा झापा गाउँपालिकालाई बिउ आलुमा आत्मनिर्भर बनाउने लक्ष्य लिएको कृषि सहकारीका अध्यक्ष दाहालले बताउनुभयो । कृषकले आलु बिक्री गर्ने वेलामा कम मुल्य रहेपछि आलुको बिउ खरिदका वेला महगो र कम गुणस्तरको आलुको बिउ रोप्नुपरेको पिडाका कारण कृषक समुहले आफ्नो समुहमै आलुको बिउ रोप्न र बिक्री गर्न लागिपरेको हो ।
विशेष कार्यक्रमका विच मेशिनको आलु रोप्ने कार्यक्रम र मेशिन उद्घाटन गरिएको थियो । कार्यक्रममा नेकपाका झापा गाउँपालिका अध्यक्ष रुद्र बजगाई, जिल्ला कृषि महासंघका अध्यक्ष महेश तिम्सिना, वार्डनम्बर ६ का अध्यष हरिकहादुर बानिया , पुर्व गाविस उपाध्यक्ष दिलिपकुमार दास , रानी सामुदायिक वनका अध्यक्ष नरेन्द्रकुमार आङ्देम्बे लगायातले शुभकामना राख्नुभएको थियो ।


सम्बन्धित शीर्षकहरु

कनकाई अनलाईनललितपुर, भदौ १ गते । रौतहट राजपुर नगरपालिकाकी उपप्रमुख जमिला असगरी स्थानीय तहको निर्वाचनअघि पनि सामाजिक कार्यमा सक्रिय हुनुहुन्थ्यो…

कनकाई अनलाईनयसबर्षको डि कौडिन्य पत्रकारिता पुरस्कार कनकाई अनलाईन तथा कनकाई साप्ताहिकका सम्पादक प्रकाशक लीलाराज झापालीलाई प्रदान गरिने भएको छ ।…

कनकाई अनलाईनशरणामती।झापाको झापा गाउँपालिकामा रहेको सशस्त्र प्रहरी बल नेपालको टाघनडुब्बा विओपीबाट २९ महिनामा सशस्त्र प्रहरी निरिक्षक सचिन प्रधानको सरुवा भएको…

प्रतिकृयाहरू