अपाङ्ग असाहायको अक्षयकोषका लागि सुरुङ्गा त्रिवेणी टोलमा महायज्ञ


कनकाई अनलाईन
सुरुङ्गा । झापाको कनकाई नगरपालिका ४ त्रिवेणी टोलमा रहेको पुकार अपाङ्ग असक्त समाजमा रहेका अपाङ्ग अनाथ वालवालिकाहरुको भरण पोषणको अक्षय कोषका लागि आइतवारदेखि श्रीमद् भागवत ज्ञान महायज्ञ शुरु गरिएको छ ।
कनकाई नगरपाकिलाका प्रमुख राजेन्द्रकुमार पोखरेलले निशुल्क प्रदान गरेको एक कठ्ठा जमिनमा एनएनबी बैँकले २५ लाख ४६ हजार रुपैँयाको लागत यहाँ रहेका १६ जना अनाथ अपाङ्ग बालवालिकाका लागि आवाश बनाइदिएको हो । त्यहाँ आवाशमा रहेका वालवालिकाका लागि खाना, औषधोउपचार र शिक्षाका लागि अक्षयकोष निर्माणका लागि सो महायज्ञ लगाइएको आयोजक समितिकी अध्यक्ष निर्मला ओझाले बताउनुभयो । महायज्ञको यस क्षेत्रको संघिय सांसद एलपि साँबा लिम्बुले उद्घाटन गर्नुभयो । साँबाले मानविय सेवाका लागि यसमा सहयोग गर्नु उत्कृष्ट समाज र परोपकारी कार्य भएको भन्दै सबैमा सहयोग गर्न आव्हान गर्नुभयो । सरकारले समेत १० लाख रुपैँया समाज कल्याण मन्त्रालयबाट उपलब्ध गराइदिएको साँबाले बताउनुभयो । जग्गादाता तथा कनकाई नगरपालिकाका प्रमुख राजेन्द्र कुमार पोखरेलले स्थानीय सरकार र आफुले समेत यस संस्थालाई निरन्तर सहयोग गरिरहने प्रतिवद्धता जनाउनुभयो ।
कनकाई नगरपालिका वार्डनम्बर ४ का वार्डध्यक्ष असक्त र अनाथको सेवामा निरन्तर लागिरहने निर्मला ओझा र यसको सिङ्गो टिमको खुलेर प्रशसा गर्नुभयो । आफ्नो वार्डमा रहेकोले यसको संरक्षणमा कुनै कमि नहुने प्रतिवद्धता जनाउनुभयो ।
कार्यक्रममा युवा पंण्डित आशुतोष खनालको प्रमुख वाचन र पंण्डित रमेश अधिकारीको सहवाचनमा आगामी र्मंसिर ८ गते यस महापुराणको समापन हुने आयोजक समितिका सचिव गोविन्द सुवेदीले बताउनुभयो । पुराण सम्पन्न गर्नका लागि रघुनाथ भट्टराई , देविप्रसाद खरेल, कविता वस्नेत , खगेन्द्र अधिकारी लगायात रहेको पुराण आयोजक मुल समारोह समिति समेत बनेको छ ।


सम्बन्धित शीर्षकहरु

कनकाई अनलाईनललितपुर, भदौ १ गते । रौतहट राजपुर नगरपालिकाकी उपप्रमुख जमिला असगरी स्थानीय तहको निर्वाचनअघि पनि सामाजिक कार्यमा सक्रिय हुनुहुन्थ्यो…

कनकाई अनलाईनयसबर्षको डि कौडिन्य पत्रकारिता पुरस्कार कनकाई अनलाईन तथा कनकाई साप्ताहिकका सम्पादक प्रकाशक लीलाराज झापालीलाई प्रदान गरिने भएको छ ।…

कनकाई अनलाईनशरणामती।झापाको झापा गाउँपालिकामा रहेको सशस्त्र प्रहरी बल नेपालको टाघनडुब्बा विओपीबाट २९ महिनामा सशस्त्र प्रहरी निरिक्षक सचिन प्रधानको सरुवा भएको…

प्रतिकृयाहरू