कनकाईका सबै गरिवलाई अब निशुल्क विद्युत मिटर


कनकाई अनलाईन
नेपाल विद्युत प्राधिकरणले कनकाई नगरपालिका क्षेत्रका गरिव तथा विपन्न १३५ परिवारलाई निशुल्क विद्युत मिटर प्रदान गरेको छ ।
नगरपाकिला क्षेत्रभित्रका सबै ९ वटै वार्डका गरिवहरुको पहिचान गरि सबैलाई निशुल्क मिटर प्रदान गरिनेमा पहिलो चरणमा नगरको वार्डनम्बर १ , २ र ३ का १३५ जनालाई आज निशुल्क मिटर प्रदान गरिएकोमा आगामी दिनमा सबैवार्डका सबै गरिवलाई निशुल्क मिटर प्रदान गरिने कनकाई नगरपालिकाका नगरप्रमुख राजेन्द्रकुमार पोखरेलले बताउनुभयो । अवका केहि दिनमै नगरपालिकालाई उज्यालो नगरिको रुपमा समेत घोषणा गर्न लागिएको नगरप्रमुख पोखरेलले बताउनुभयो ।

कनकाई नगरपालिकालाई केहि महिना पहिलेमात्रै नेपाल विद्युत प्राधिकरणका कार्यकारी निर्देशक कुलमान घिसिङले देशकै पहिलो विद्युत चुवाहत मुक्त पालिका घोषणा गर्नुभएको थियो । जस कार्यक्रमको सफलतापछि यस पालिकालाई विद्युत प्राधिकरणले गरिव परिवारका लागि निशुल्क विद्युत मिटर खरिदका लागि ३० लाख रुपैँया विनियोजित गरेको थियो । विद्युत मिटर लिएपछि यसअघि आफुसग जग्गाको धनीपुर्जा नहुदा तथा आर्थिक कारणले घरमा मिटर जोड्न नपाएकाहरुले मिटर जडान गर्न पाएको नेपाल विद्युत प्राधिकरणका उज्यालो नेपाल परियोजनाका कानुन अधिकृत निलकण्ठ शर्माले बताउनुभयो । कनकाई नगरपालिकाका १ , २ र ३ नम्बर वार्डका गरिव स्थानीयलाई आज नगरप्रमुख पोखरेल सहित , नेपाल विद्युत प्राधिकरण उज्यालो नेपाल अभियानका निर्देशक राजनऋषि कडेँल , कानुन अधिकृत निलकण्ठ शर्मा , कनकाई नगरपालिका उपप्रमुख मन्जु प्रसाई , वार्डअध्यक्षहरु रुद्रप्रसाद चिमरिया , रोषनराज पोखरेल , परशुराम गिरी लगायातले मिटर प्रदान गर्नुभएको थियो ।

 


सम्बन्धित शीर्षकहरु

कनकाई अनलाईनललितपुर, भदौ १ गते । रौतहट राजपुर नगरपालिकाकी उपप्रमुख जमिला असगरी स्थानीय तहको निर्वाचनअघि पनि सामाजिक कार्यमा सक्रिय हुनुहुन्थ्यो…

कनकाई अनलाईनयसबर्षको डि कौडिन्य पत्रकारिता पुरस्कार कनकाई अनलाईन तथा कनकाई साप्ताहिकका सम्पादक प्रकाशक लीलाराज झापालीलाई प्रदान गरिने भएको छ ।…

कनकाई अनलाईनशरणामती।झापाको झापा गाउँपालिकामा रहेको सशस्त्र प्रहरी बल नेपालको टाघनडुब्बा विओपीबाट २९ महिनामा सशस्त्र प्रहरी निरिक्षक सचिन प्रधानको सरुवा भएको…

प्रतिकृयाहरू