ज्ञानराज सुवेदीको सत्रौ कृति ज्ञान सरोवर विमोचित


कनकाई अनलाईन
झापा कनकाई नगरपालिका निवासी कवि साहित्यकार ज्ञानराज सुवेदीको सत्रौ कृति खण्डकाव्य ज्ञान सरोवरको विशेष कार्यक्रमका विच प्राध्यापक डाक्टर टंकप्रसाद न्यौपानेले विमोचन गर्नुभयो ।
कनकाई बहुमुखी क्याम्पसको सभाहलमा कनकाई प्रतिभा प्रतिष्ठानको आयोजनामा भएको विमोचन कार्यक्रममा सो कृतिको न्यौपाने , साहित्यकार डाक्टर पुण्यप्रसाद पौड्याल , कवि साहित्यकार देविचरण भण्डारी , कृष्णसुवेदी निराकार लगायातले कृतिको विमोचन गर्नुभयो । विमोचित कृतिमाथि साहित्यकार हरिनारायण भट्टराईले समिक्षा गर्नुभएको थियो ।

आध्यात्मिक चिन्तनमा आधारित भएर लेखिएको सुवेदीको कृतिले समाजलाई सत्मार्गमा लैजानमा सहयोग मिल्ने समिक्षक भट्टराईले बताउनुभयो । यसअघि सुवेदीका षडानन्द स्मृति काव्य , शान्तिभित्रको क्रान्ति खण्डकाव्य , चिन्तनको चौतारी कविता संग्रह , बर्तमान परिवेश खण्डकाव्य , रति रात खण्डकाव्य लगायातका कृति प्रकाशित छन । कार्यक्रममा बोल्दै प्रमुख अतिथि न्यौपानेले वर्तमान समयमा देशमा भाषा संस्कृतिको हत्या हुदै गएकोमा चिन्ता प्रकट गर्नुभयो । विकास निर्माणको परिभाषाभित्र भाषा संस्कृति पनि पर्नु र स्थानीय र प्रदेश सरकारले समेत यसको संरक्षण र बृतिविकासमा ध्यान पुर्याउनुपर्नेमा जोड दिनुभयो । कार्यक्रममा प्रदेशसभा सदस्य हिराकुमार थापाले भाषा लिपिको संरक्षण र समद्धनमा प्रदेशसरकार लागि परेको बताउनुभयो ।

कनकाई प्रतिभा प्रतिष्ठानका अध्यक्ष कोमलप्रसाद पोखरेलको सभापतित्व , जीवनाथ सुवेदीको स्वागत तथा सचिव श्रीप्रसाद भेट्वालको संचालनमा सम्पन्न कार्यक्रममा कविता वाचन कार्यक्रम समेत राखिएको थियो । कार्यक्रममा श्रष्टाहरु हरिप्रसाद न्यौपाने , मित्रप्रसाद दाहाल , हरिभक्त संग्रौला , मिना अधिकारी , देविचरण भण्डारी , कृष्णसुवेदी निराकार , महेन्द्र गौतम , टिका नेपाल , प्रयागराज काप्mले लगायातले रचना वाचन गर्नुभएको थियो ।


सम्बन्धित शीर्षकहरु

कनकाई अनलाईनललितपुर, भदौ १ गते । रौतहट राजपुर नगरपालिकाकी उपप्रमुख जमिला असगरी स्थानीय तहको निर्वाचनअघि पनि सामाजिक कार्यमा सक्रिय हुनुहुन्थ्यो…

कनकाई अनलाईनयसबर्षको डि कौडिन्य पत्रकारिता पुरस्कार कनकाई अनलाईन तथा कनकाई साप्ताहिकका सम्पादक प्रकाशक लीलाराज झापालीलाई प्रदान गरिने भएको छ ।…

कनकाई अनलाईनशरणामती।झापाको झापा गाउँपालिकामा रहेको सशस्त्र प्रहरी बल नेपालको टाघनडुब्बा विओपीबाट २९ महिनामा सशस्त्र प्रहरी निरिक्षक सचिन प्रधानको सरुवा भएको…

प्रतिकृयाहरू