गर्मी र वर्षासंगै शिबसताक्षी नगरपालिकामा विरामीको संख्या बढ्यो


कनकाई अनलाईन
अत्याधिक गर्मी र वर्षासंगै झापाको शिबसताक्षी नगरपालिकामा झाडापखला, टाइफाइड, ग्याष्टिक र छाला संम्बन्धी समस्याले आउने विरामीको संख्या बढ्दै गइरेको छ ।
नगरपालिकाको वडा नं २ मंगलबारे बजारमा रहेको धरमपुर स्वास्थ्य चौकीका प्रमुख धनकुमार विश्वकर्मका अनुसार गर्मी र वर्षामा हुने हैजा सम्बन्धी समस्याले दैनिक ६०–७५ जना विरामीहरु आइरहेका छन् ।
उहाले स्वास्थ्य चौकीमा प्रेसर, सुगर र दम लगायतका समस्याले आउने विरामीहरुको संख्या पनि उतिकै रहेको बताउनुभयो । यस्ता खालका नसर्ने रोगहरु आदीवासी, जनजाति र सन्थाल समुदायमा यस्तो समस्याहरु आउने गरेको समेत विश्वकर्मले बताउनुभयो । आदिवाशी समुदायमा रोग लागेपछि बढी मात्रमा धामी र झाँक्रीको भरमा गाउँमा बस्ने गरेकोले समेत जटिल समस्या बन्दै गएको बताउनुभयो ।
सरसफाईमा ध्यान नदिनु, स्वास्थ्य खानपान अनि सो संम्बन्धी आवश्यक चेतना नहुनु र गरिवीको कारण शारिरिक अनि मानसिक तवरले आराम गर्न नपाउने हुदा समेत यस क्षेत्रमा यसप्रकारका रोग देखिने गरेको छ ।
त्यस्तै, शिबसताक्षी–८ झिलभिलेस्थित रहेको सतासीधाम स्वास्थ्य चौकीका प्रमुख सञ्जय ठकुरीका अनुसार केहि दिन यता विरामीको संख्यामा बृद्धि भएको छ । ठकुरीले स्वास्थ्य चौकीमा आउने अधिकास विरामीमा झाडापखला, टाइफाइड, ग्याष्टिक र छाला संम्बन्धीका समस्याहरु लिएर आइरहेको बताउनुभयो । गर्मी र वर्षामा पिउने पानीका कारण समेत थप रोगहरु थपिएको ठकुरीले बताउनुभयो । केटाकेटी देखी युवा र बृद्धबद्धाहरुलाई छाला सम्बन्धी लुतो, दाद र खटिराहरु आउने गरेकोले स्वच्छ अनि शुद्ध पिउने पानि पिउनु र स्नान गर्दा समेत प्रयोग गरिनुपर्र्ने ठकुरीको भनाई छ ।

यता, नगरपालिकाको दक्षिणी वडा नं ४ जनता बजारमा रहेको पाँचगाछी स्वास्थ्य चौकीका प्रमुख श्यामप्रसाद मेहताले पनि गर्मी र वर्षामा हुने हैजा संम्बन्धी समस्याले स्वास्थ्य चौकीमा आउने विरामीहरुको चाप बढ्दै गइरहेको बताउनुभयो । मेहताका अनुसार साविक पाँचगाछी गाविसमा आदीवासी र जनजाति समुदायको जनघनत्व रहेको क्षेत्र भएकोले गर्मी र वर्षामा हुने समस्याहरु अत्याधिक बढ्ने गरेको भनाइ छ । स्वास्थ्य चौकीमा ल्याव सेवा सुरु भएकोले विरामीहरुको रगत, दिशा, पिसाव र खकार परिक्षण गर्न सहज भएकाले समेत वढी रोगहरुको पहिचान हुनसकेको मेहताले बताउनुभयो ।

४ वटा गाविस समायोजन गरेर निर्माण भएको शिबसताक्षी नगरपालिमा हालः ११ वटा वडाहरु छन् । साविक धरमपुर, पाँगाछी र सतासीधाम स्वास्थ्य चौकी र शिबगञ्जमा प्राथमिक स्वास्थ्य केन्द्र छ भने वडा नं ९ र १० मा सहरी स्वास्थ्य संस्था रहेको छ ।

 


सम्बन्धित शीर्षकहरु

कनकाई अनलाईनललितपुर, भदौ १ गते । रौतहट राजपुर नगरपालिकाकी उपप्रमुख जमिला असगरी स्थानीय तहको निर्वाचनअघि पनि सामाजिक कार्यमा सक्रिय हुनुहुन्थ्यो…

कनकाई अनलाईनयसबर्षको डि कौडिन्य पत्रकारिता पुरस्कार कनकाई अनलाईन तथा कनकाई साप्ताहिकका सम्पादक प्रकाशक लीलाराज झापालीलाई प्रदान गरिने भएको छ ।…

कनकाई अनलाईनशरणामती।झापाको झापा गाउँपालिकामा रहेको सशस्त्र प्रहरी बल नेपालको टाघनडुब्बा विओपीबाट २९ महिनामा सशस्त्र प्रहरी निरिक्षक सचिन प्रधानको सरुवा भएको…

प्रतिकृयाहरू