विर्तामोड भेट्रान फुटबल क्लव र राइनो डुवर्स भेट्रान फुटबल क्लव विजयी


कनकाई अनलाईन
काँकरभिट्टा÷ सर्वाधिक पुरस्कार राशीको नेपाल–इण्डो भेट्रान फुटबल प्रतियोगिताको दोस्रो संस्करण अन्र्तगत आइतबार दोस्रो दिनको खेलमा विर्तामोड भेट्रान फुटबल क्लव र राइनो डुवर्स भेट्रान फुटबल क्लव विजयी भएका छन् ।
आइतबार भएको पहिलो खेलमा सिबिसि भेट्रान फुटबल क्लव चन्द्रगढीलाई ५–१ गोल अन्तरले हराउँदै विर्तामोड भेट्रान फुटबल क्लव विजयी भएको हो ।
सिबिसि विरुद्ध खेलको पहिलो हाफको दोस्रो मिनेटमा विर्तामोडका देवमान लिम्बुले पहिलो गोल गरेका थिए । जवाफमा पहिलो हाफको १४ औं मिनेटमा विर्तामोड विरुद्ध सिबिसिका अर्जुन राईले पहिलो गोल गर्दै खेल बराबरीमा पुर्याएका थिए । त्यसपछि दोस्रो हाफको १४ औं मिनेटमा विर्तामोडका सुवास सुब्बाले १ गोल, २२ औं मिनेटमा विर्तामोडकै केशवराज दाहालले १ गोल र २४ औं मिनेटमा विर्तामोडकै सुवास सुब्बाले थप अर्को गोल गरेका थिए ।
आइतबार नै भएको दोस्रो खेलमा एभरेष्ट भेट्रान फुटबल क्लव मोरङलाई ० का विरुद्ध १ गोलले राइनो डुवर्स भेट्रान फुटबल क्लव भारत विजयी भएको हो ।
खेलको पहिलो हाफमा दुवै टिमले गोल गर्न सकेका थिएनन् भने दोस्रो हाफको २५ औं मिनेटमा राइनोका दिव्य ज्योति मुखर्जीले निर्णायक गोल गर्दै आफ्नो टिमलाई विजयी बनाएका थिए ।
पहिलो खेलको म्यान अफ दी म्याच घोषित विर्तामोडका सुवास सुब्बा र दोस्रो खेलको म्यान अफ दी म्याच घोषित राइनोका दिव्य ज्योति मुखर्जीलाई पुरस्कार स्वरुप जनही २१ सय रुपैयाँसहित ट्रफि प्रदान गरिएको थियो ।
२९ गते मङ्गलबारको पहिलो खेल पुर्वाञ्चल भेट्रान फुटबल क्लव पुर्वाञ्चल र बिन्ध्यावासिनि भेट्रान फुटबल क्लव विराटनगर तथा दोस्रो खेल धाइजन–चारआली भेट्रान फुटबल क्लव र दागापुर मनिङ भेट्रान फुटबल क्लव सिलिगुडी भारतबीच हुने आयोजकले जनाएको छ ।


सम्बन्धित शीर्षकहरु

कनकाई अनलाईनललितपुर, भदौ १ गते । रौतहट राजपुर नगरपालिकाकी उपप्रमुख जमिला असगरी स्थानीय तहको निर्वाचनअघि पनि सामाजिक कार्यमा सक्रिय हुनुहुन्थ्यो…

कनकाई अनलाईनयसबर्षको डि कौडिन्य पत्रकारिता पुरस्कार कनकाई अनलाईन तथा कनकाई साप्ताहिकका सम्पादक प्रकाशक लीलाराज झापालीलाई प्रदान गरिने भएको छ ।…

कनकाई अनलाईनशरणामती।झापाको झापा गाउँपालिकामा रहेको सशस्त्र प्रहरी बल नेपालको टाघनडुब्बा विओपीबाट २९ महिनामा सशस्त्र प्रहरी निरिक्षक सचिन प्रधानको सरुवा भएको…

प्रतिकृयाहरू