एक हप्तादेखि माइधारकी गोमा कोमामा ,सहयोगको अपिल


कनकाई अनलाईन
माइधार माघ ११ गते । “दुखीको घरमा मात्रै तेरो बास हुनेभए हे इश्वर दया गरि अझ मलाई दुःख दे ” साहित्यकार वालकृष्ण समको यो भनाई झापा शिवसताक्षी नगरपालिका की यी ४४ वर्षिय गोमा गौतमको जीवनमा पनि लागु भएको छ ।

गोमालाई गत माघ ३ गते कनकाई माइवेनी मेलाका दिन शिवसताक्षी १० माइधार भालुखोलामा आफ्नै घरछेउमा घाँसको भारी ल्याएर आउदै गर्दा मोटरसाइकलले ठक्कर दियो । ठक्करदिने चालकको उपचारका क्रममा मृत्यु भयो । घटनामा गम्भिर घाइते बन्नुभएकी यी गोमाको हालसम्मपनि होस खुलेको छैन् । उहाँको विर्तामोडस्थित विएण्डसी हस्पिटलको सघन उपचारकक्षमा उपचार जारी छ ।

चिकित्सकहरुको भनाइअनुसार अझै उहाँलाई एक महिनासम्म सघन उपचारकक्षमै उपचार गराउनुपर्ने हुनसक्छ । कनकाई माइको वगरमा गिटी चालेर घरका अरु थप ३ सदस्यको समेत पालनपोषण गर्दै आउनुभएकी गोमाको परिवारलाई गोमा ढलेदेखिनै गाउँलेले आलोपालो गरेर घरमा खाना लगिदिएर वचाउदै आएका छन । गोमाकी एक २८ वर्षे छोरी समेत ३ वर्ष पहिले गम्भिर सडक दुर्घटनामा परेर घाइते बन्नुभएको थियो छोरीको समेत शरिरको पुरैभाग चल्दैन । छोरीको यस्तो अवस्था आएपछि ज्वाइलेसमेत पारापाचुके गरिदिए हाल छोरी र सानो एक नातीनी पाल्नुपर्ने दायित्व समेत हाल यिनै गोमाको काधमा थियो ।

सानी नातीनी समेत अपाङ्ग रहेकी छिन । वगरमा दिनभर गिटी चाल्ने र त्यसबाट ल्याएको रकमले चामल नुन तेल किनेर दुःखले ४ जनाको परिवार गोमाले पाल्दै आउनुभएको थियो । गोमाका श्रीमानको अत्तोपत्तो छैन , १२ महिना मदिरा खाएर हिड्ने गरेका छन उनी घरमा कहिलेकाहीमात्रै आउने गरेका स्थानीयवाशी धनकुमार ढकाल वताउँनुहुन्छ । गोमा मजदुरी गरेपनि गाउँमा मेहनती तथा साहसी महिलाको रुपमा सबैले चिन्ने गरेका थिए ।

डाक्टरहरुको सल्लाहअनुसार गोमाको उपचार सम्भव छ तर उहाँलाई थप महिनादिन यसरीनै सघन कक्षमा उपचारगराउनुपर्दछ । स्थानीय युवा ढकाल भन्नुहुन्छ , उहाँलाई कोमाबाट झिक्ने वित्तिकै उहाँको निधन हुन्छ त्यसपछि वाकी परिवारको हाल के होला ? करिव १३ लाख रुपैँया भए गोमा वाच्न सक्ने डाक्टरहरुको भनाइ आएपछि हाल गाउँका अगुवा नरेश योङ्गहाङ्गको संयोजकत्वमा गोमा वचाउँ समिति गठन गरेर सहयोग संकलन थालिएको छ ।

समितिले विभिन्न दाताहरुबाट हालसम्म ५० हजार रुपैँया समेत संकलन गरिसकेको समितिका सचिव धनबहादुर ढकालले बताउँनुभयो । समितिमा स्थानीय रामबहादुर लावती , जीवन मिश्र , मैया ढकाल , सरिता थापा , देविका बास्कोटा , लगायात रहनुभएको छ । समितिका संयोजक योङ्गहाङ्ग सवैको सहयोग पाए गोमालाई वचाइछाड्ने बताउँनुभयो । उहाँको उपचारमा सहयोग गर्न चाहनेले संयोजक योङ्गहाङ्गको सम्पर्क नम्बर ९८०८२२६५५० तथा सचिव धनकुमार ढकालको ९८४४६४१४४४ मा सम्पर्क गर्न समेत समितिले आग्रह गरेको छ ।


सम्बन्धित शीर्षकहरु

कनकाई अनलाईनललितपुर, भदौ १ गते । रौतहट राजपुर नगरपालिकाकी उपप्रमुख जमिला असगरी स्थानीय तहको निर्वाचनअघि पनि सामाजिक कार्यमा सक्रिय हुनुहुन्थ्यो…

कनकाई अनलाईनयसबर्षको डि कौडिन्य पत्रकारिता पुरस्कार कनकाई अनलाईन तथा कनकाई साप्ताहिकका सम्पादक प्रकाशक लीलाराज झापालीलाई प्रदान गरिने भएको छ ।…

कनकाई अनलाईनशरणामती।झापाको झापा गाउँपालिकामा रहेको सशस्त्र प्रहरी बल नेपालको टाघनडुब्बा विओपीबाट २९ महिनामा सशस्त्र प्रहरी निरिक्षक सचिन प्रधानको सरुवा भएको…

प्रतिकृयाहरू