भद्रपुर नगरपालिकाले देशकै समृद्धिको सपना साकार पार्छ नगरप्रमुख श्रेष्ठ


नेपालको पुराना नगरपालिकामध्यको एक नगरपालिका हो भद्रपुर नगरपालिका । नेपालको सुदुरपुर्वी क्षेत्रमा रहेको यस नगरपालिकामा झापाको सदरमुकाम समेत रहेको छ । यस नगरपालिकाका नगरप्रमुख जीवनकुमार श्रेष्ठ रहनुभएको छ । धेरैलाई थाहा नहुनपनि सक्छ , उहाँ पुर्व अन्तराष्ट्रिय कपर्डी खेलाडी तथा राष्ट्रिय फुटवल र भलिवल खेलाडी हुनुहुन्छ । उहाँले थुप्रै एसियन तथा साफ ग्याममा नेपालको तर्फबाट सहभागिता जनाइसक्नुभएको छ । सन्थाल , बंगाली , हिन्दी , र अंग्रेजी भाषामा राम्ररी बोल्ने श्रेष्ठ , कम्युनिष्ट्रहरुको आधारभुमि झापामा वि .स. २०३७ सालदेखि हालको एमाले तत्कालिन मालेकालदेखि राजनितिमा सक्रिय रहनुभएको छ । तत्कालिन हल्दिवारी माविको अखिलको प्रारम्भिक कमिटीबाट राजनिति सुरु गर्नुभएका श्रेष्ठ २०४६ सालमा मेची बहुमुखी क्याम्पस सदस्यको कमिटीमा रहदै सक्रिय पार्टी सदस्य , ४८ सालमा पार्टीको क्षेत्रिय कमिटीमा रहनुभयो , ५३ सालमा इलाका कमिटीमा रहर्दै ५९ सालमा भद्रपुर नगरकमिटीको सचिव रहनुभएका श्रेष्ठ ४९ सालमा वार्डनम्बर ६ बाट निर्वाचित वार्डअध्यक्ष तथा ५४ सालमा समेत निर्वाचित उपमेयर रहिसक्नुभएको छ । हाल भद्रपुर नगरपालिकाका मेयर रहनुभएका श्रेष्ठ सग नगरपालिकामा निर्वाचित भएपछिका काम र गतिविधिहरुका वारेमा कनकाई अनलाईनका सम्पादक लीलाराज झापालीले गर्नुभएको कुराकानी ।

 

१) अहिले निर्वाचित नगरप्रमुख भएर ६ महिना विताइसक्नुभयो , आफै आफ्नो कार्यकालको मुल्याङ्गकन गर्नुपदा कसरी गर्नुहुन्छ ?
पहिले हामी निर्वाचित भएर आउदाको समयमा कतिपय कुराहरु अन्यौलग्रस्तमै रहेका थिए । लामो समयसम्म कर्मचारीतन्त्रबाटै संचालित स्थानीय निकाय थियो अव तहको रुपमा परिवर्तित भएको छ । काम र पाउने जिम्मेवारीहरु धेरै फेरवदल भएको छ । नगरका कामलाई ज्यादै रफ्तारमा लैजानुपर्ने आवश्यकता रहेको छ । तर हामीले जुन रफ्तारमा काम गर्नुपर्ने हो त्यो रफ्तारमा कामहरु गर्न सकिएन , हामीले असार १४ गते चुनाव लड्यौ २५ गते कार्यभार लियौँ , तर यसपछाडि असोज २ गतेसम्म वाढीको चपेटामा यस क्षेत्र पर्नगयो । पुरा झापा र तराइनै डुबानमा पर्यो सवैमानिसहरु घरवारविहिन ठुलो जनधनको क्षति हामीले भोग्नुपर्यो । यी कुराहरुको व्यावस्थापनमा हामीले सारा समय लगाउनुपर्यो तरपनि हामीले झापा जिल्लामा सवैभन्दा पहिले नगरसभा वसाउन सक्यौ , समस्याका वावजुतपनि हामीले काम गर्नेकुराको स्पीडलाई कम हुन दिएनौँ ।

योजनाहरु बनाउने प्रक्रियामा छौ , आइयुडिपि प्रोगाम १५ वर्षे आवाधिक योजना बनाएर यस क्षेत्रका राजनैतिक दल , जनप्रतिनिधिहरु , भद्रभलादमी , उवासंघ , संघसंस्थाहरु सवैलाई वोलाएर अन्तक्रिया गर्यौ । त्यसपछि हामीले यस क्षेत्रको योजनाहरु ब्नाउने काममा लागेका छौँ । हामीले पर्याटकिय तथा सडक गुरुयोजना बनाउन लागेका छौ । यसरी हाम्रो काम र समयलाई निरन्तर निरन्तर कामहरुमा लगाइरहेका छौ तरपनि सोचेजस्तो काम गर्न निक्कै असजिलो हुदो रहेछ यो मेरो अनुभव हो ।

२) निर्वाचनका वेला भावना उत्तेजनामा आएर धेरैकुरा चुनावी नारा लगाउनुभयो , जनतालाई पुरै आर्गनिक खानपान गराउने देखि धेरै वाचाहरु गर्नुभयो , ती नारालाई एकपटक सम्झौँ कतिकुरा पुरा भए कति वाकी छन र कतिका लागि आधार बनाउनुभएको छ ? 

लगभग लगभग जनताको जनस्वास्थ्य र शिक्षाका लागि आधारित भएर मैले जेजति वाचाहरु गरेको थिए , अहिलेनै ६ महिनाको अवधिमा ती वाचाहरु पुरा गरे भनेर भन्न म चाहन्न । तर नगरपालिकाले तरकारी फलफुल , मासुजन्य र दुधजन्य पदार्थमा नगरपालिका आत्मनिर्भर हुनुपर्दछ , र विषमुक्त खेत ीगर्न किसानहरुलाई उत्प्रेरित गर्नका लागि नगरपालिका लागिरहेको र योजना बनाएको छ । गाउँमा सामुहिक पशुपालन गर्ने त्यसको गौमुत्र र गोबर संकलन गरेर मल बनाउने , चुना निमपता सुर्ती खोर्सानीजस्ता सामाग्रीहरुलाई एकठाउँमा जम्मा गरेर प्राकृतिक विषादी बनाउने र यसको प्रयोग गरेर अर्गानिक खेत ीगर्ने कार्यक्रम बनाएका छौ विषादी प्रयोग गरेका तरकारीहरुपनि कतिखेर र कसरी प्रयाोग गर्ने भन्नेवारेमा कृषकलाई तालिमको आयोजन ागर्दै छौँ । यसखाले खेत ीगर्ने किसानहरुका लागि हामीले कर छुटको योजना ल्याएका छौ । यसलाई पुरा गुरु योजना बनाएर हामीले काम अगाडि वढाएका छौ ।

१८ लाख रुपैँया हामीले यस क्षेत्रमा आर्युवेदका क्षेत्रमै छुट्टाएका पनि छौ ।

३) बजेट निर्माण गर्दा आयोजना छनौट बजेट विनियोजन कसरी गर्नुभयो र प्राथमिकतामा कुन कुरा राख्नुभएको छ ?
हामीले वजेट बनाउने वेलामा सक्रमणकालिन अवस्था थियो । नगरपालिकाले वजेट बनाउने कानुन र ऐन सांसदवाट पारित भएको थिएन । ५ , ६ वटा कार्यविधिक कानुनहरु नेपाल सरकारले उपलब्ध गराएको थियो । वेवसाइटमार्फत हामीले डाउनलोड गरेर हेयौँ र त्यसलाई हाम्रो नगरपालिका अनुकुलहुनेगरि हामीले कार्यविधिक कानुनहरु बनाएर नगरकार्यसमितिबाट लागुगरेका छौ यसअघि , विभिन्न वार्डहरु वोलाएर उहाँहरुको प्राथमिकतामा छलफल गरेर यसैलाई आधारबनाएर बजेट बनायौ कर राजस्वय परामर्श समिति बनायौ यसरी हामीले बजेटबनाएका छौ । हामीले धेरै कुरालाई एक्कैसाथ लिएर जान अप्ठ्यारो हुदोरहेछ , हामीले विभिन्न वार्डमा वार्डकार्यलयलाई सम्बन्धित वार्डमा लैजाने कामगर्नुपर्यो । विपत व्यावस्थापन पनि गर्नुपर्यो यति हुदापनि हामीले यस नगरमा सडक संजाललाई व्यावस्थि तगर्नका लागि हामीले पहिलो प्राथमिकता दिएका छौ । कुनै ठाउाको समस्यालाई उर्जागर गर्नका लागि सर्वप्रथम त्यो ठाउँसम्म पुग्नुपर्दोरहेछ । त्यस ठाउँसम्म पुग्नका लागि हामीले जवसम्म सडक संजाललाई जोडदैनौ तवसम्म त्यो ठाउँको पहिचान नहुदो रहेछ ।

४) पहिले कर्मचारीहरुले मात्रै संचालन गरिरहेको कार्यालयमा अहिले जननिर्वाचित प्रतिनिधिहरुले चलाइरहनुभएको छ , पहिले र अहिलेमा फरक के पाउनुभएको छ ?
सेवाग्राही जनताहरु व्ढी मात्रमा उत्साहित रहनुभएको छ । अझ नेपालको कानुनलेनै सिंहदरभारको अधिकार जनताको घरघरमा वार्डवार्डमा गएको भन्ने शन्देश गएको छ । यसले जनातालाई उत्साहित बनाएको छ । पहिले कर्मचारीले चलाउदाको अवस्थाको नगरपालिका र अहिले निर्वाचित जनप्रतिनिधिले चलाएको नगरपालिकामा आकाश पतालको फरक छ जनताको चाहाननै परिवर्तित छ , देशको कानुननै परिवर्तित छ , र कुनैपनि जनप्रतिनिधिहरुलाई जनताको काम नगरीकन एकछिन वस्नेसम्म फुर्सद छैन ।

५) तपाईकै नगरपालिकामा पर्ने नेपाल भारत जोड्ने वहुचर्चित मेची पुला आधा सताव्दी भन्दा वढी समयसम्म निर्माणको हल्ला चल्यो अहिले निर्माधाधिन पनि छ तर निर्माण पुरा हुने छाटकाट देखिएको छैन नी ?

ऋगाडि जे जस्तो भएपनि मेचीपुल बनाउनेखालको योजना चाहि वल्लतल्ल तत्कालिन प्रम माधवकुमार नेपालका पालामा निर्माण तथा भौतिक योजनामन्त्री विजयकुमार गच्छदारहुदा बनाइएको हो । यसवेला वजेट विनियोजित पनि भएर काम शुरु गरिएको हो । लगभग यस जनवरी भित्र योजना बनाएर हस्तानतरण गर्ने समयअवधि रहेको छ । विभिन्न प्राविधिक समस्याका कारण यस समयअवधिभित्र निर्माण सम्पन्न नहुने देखियो , यसमा केहि समय थप होला तरपनि मेचीपुल बन्दैछ । यसमा दुइमत छैन । तर मेची पुल निर्माणको अर्थ यो मात्रै होइन तल्लो ठाउँबाट माथ्लो ठाउँ ओहोरदोहोर गर्ने यता बनेका सामानहरु पारी र पारि बनेका सामानहरु वारी ल्याएर सामान्य खाइजिविका चलाउने भन्ने मात्रै होइन । मेचीपुलको दुरगामी इज्यत छ । यसले नगरपालिका क्षेत्रको विकास मात्रै होइन समग्र झापा जिल्ला र नेपालको विकासको मुहारमा केहि न केहि समुद्धिको अभियानमा टेवा गर्नुपर्दछ ।

मेची पुलत बनाइयो तर पारी भारतमा पुगेपछि पारिपट्टीको बाटो कतातिरबाट लैजाने कहाँ लगेर जोड्ने भन्नेकुराको निक्यौँल नेपाल सरकारले गर्न सकेन त्यसकारण मेची पुल वाङ्गोवाङ्गो अवस्थामा अवस्थामा बनिएको छ , विहारको वाटो हुदै आउनेपुलहो यो , मेचीपुल बनिसकेपछि त्यहाँ हामीलाई अत्यान्तै व्यावस्थित र अत्याधुनिक भन्सार चाहिन्छ । नेपाल सरकारले चाडोभन्दा चाडो मेची राजमार्ग जोगमनी , काकडभिट्टा वीरगन्जसग जोड्ने र हुलाकी राजमार्गलाई समेत व्यावस्थित गर्दै यस भन्सारबाट समेत मुलुकलाई समृद्धिमा जोड्नेकाम गर्न ढिलाई गर्नु हुन्न तवमात्रै मेचीपुल निर्माणले सार्थकता पाउनेछ । पर्यटकहरुको आगवनलाई समेत सुविधाजनक बनाउनुपर्छ , चन्द्रगढी एयरपोर्टलाई समेत थप व्यावस्थि तगदै विदेशी पर्यटक भित्राउनुपर्छ ।

६) नेपालकै यतिपुरानो नगरपालिका भएर पनि यति धेरै पछाडि पर्योनी यसलाई अगाडि वढाउने तपाइसग खास योजना के छ ?
नेपालको पुरानो नगरपालिका भएको कारणले यस क्षेत्रमा सम्भावनाहरु प्नि धेरै छन । यसका लागि नगरपालिकाको यातायात , माटो सुवाउदो खेती , व्यास्थित वसोवास , बनाउन हामीले जरुरी छ । टुरिजम्म प्लान बनाउनु हामीले जरुरी छ । नेपालको लामो पौराणिक इतिहास बोकेको किच्चकवध जस्तो पर्याटकिय क्षेत्र हाम्रै ठाउँमा रहेको छ । चन्द्रगढ भन्ने सांस्कृतिक स्थल छ , कलवलगुडी भन्ने प्रशिक्षण प्रतिष्ठान छ , मेची अंचल अस्पताल छ । जिल्लाका सम्र्पुण सरकारी कार्यालयहरु यहि छन् । बाटाहरु मेची मार्गपनि छन । हामीहरु धेरैकामहरु गर्दै छौ हामीसग महत्वपुर्ण कुरा मेची क्याम्पस र विमानस्थल पनि साथमा रहेको छ । मेची रङ्गशाला रहेको छ , यी सवैकुरामा यहाँ भन्सारसमेत खोलेर यीनै कुरालाई सुव्यास्थित ढङ्गले संचालन गरेर हामीले यस ठाउको विकास र समृद्धिसग जोड्न गइरहेको छौ । हामीलाई विश्वास छ , निर्वाचन पछि यस क्षेत्रका पराजित दल र सम्पुर्ण नगरवाशीको साथ लिएर हामी पुरानो नगरपालिकाको विरासतलाई जोगाउदै नगरपालिकालाई सुन्दर र समृन्नत नगरका रुपमा विकास गर्ने छौ ।

 

तस्वीरहरु निर्माणधिन बहुचर्चित मेचीपुल र नगरप्रमुख जीवनकुमार श्रेष्ठ कार्यालयमा 


सम्बन्धित शीर्षकहरु

कनकाई अनलाईनललितपुर, भदौ १ गते । रौतहट राजपुर नगरपालिकाकी उपप्रमुख जमिला असगरी स्थानीय तहको निर्वाचनअघि पनि सामाजिक कार्यमा सक्रिय हुनुहुन्थ्यो…

कनकाई अनलाईनयसबर्षको डि कौडिन्य पत्रकारिता पुरस्कार कनकाई अनलाईन तथा कनकाई साप्ताहिकका सम्पादक प्रकाशक लीलाराज झापालीलाई प्रदान गरिने भएको छ ।…

कनकाई अनलाईनशरणामती।झापाको झापा गाउँपालिकामा रहेको सशस्त्र प्रहरी बल नेपालको टाघनडुब्बा विओपीबाट २९ महिनामा सशस्त्र प्रहरी निरिक्षक सचिन प्रधानको सरुवा भएको…

प्रतिकृयाहरू