ताजा अपडेट
Home / Main News / कनकाई उद्योग बाणिज्य संघको निर्वाचनमा ८८ प्रतिशत मत खस्यो

कनकाई उद्योग बाणिज्य संघको निर्वाचनमा ८८ प्रतिशत मत खस्यो

कनकाई अनलाईन
कनकाई उद्योग बाणिज्य संघ सुरुङ्गाको नेतृत्वका लागि आज भएको निर्वाचनमा १२६१ म्त खसेको छ ।
आज बिहान ८ ः ३० बजेदेखि भएको निर्वाचनमा कुल १३ सय ८५ मतदातामा १२ सय ६१ मत खसेको निर्वाचन अधिकृत प्रकाश चुडालले बताउनुभयो । हाल यो समाचार तयार पार्दा साढे नौ बजेसम्म मतगणना सुरु भएको छैन । मतगणनाको नियमका वारेमा थोरै विवाद उठेपछि मतगणना केहि घण्टा ढिलो हुन लागेको निर्वाचन समितिले जनाएको छ ।

आज भएको निर्वाचनमा किरियापुत्री होमकुमारी कुमाल र प्रदेशसभा सदस्य हिराकुमार थापाले समेत बिहान ११ बजे एक्कैसाथ मतदान गर्नुभएको छ । मतगणनास्थलमा अहिले सयौको सङ्ख्यामा समर्थक र बाक्लो सुरक्षाकर्मी परिचालन गरिएको छ भने निर्वाचनमा उद्योग बाणिज्य संघको कार्यालय परिसरमा ठुलो आगो बालिएको छ । निर्वाचनमा मिनाल तिम्सिनाको नेतृत्वमा संयुक्त व्यावसायिक प्यानल र त्रिलोचन चिमरियाको नेतृत्वमा लोकतान्त्रिक प्यानलबाट निर्वाचनमा होमिएका छन ।

कुल १७ पदमध्ये बरिष्ठ उपाध्यक्षमा सोमनाथ उप्रेती सर्बसम्मत बनेपछि बाकी १६ पदका लागि दुबै प्यानलबाट ३२ जना उम्मेद्धारहरु चुनावी दौरानमा उभिएका छन । यसैविच यस पटकको निर्वाचनलागि पत्रकार महासंघ झापाका कार्यसमिति सदस्य लीलाराज झापाली सहित , पत्रकार महासंघका केन्द्रिय सदस्य मोहनकाजी न्यौपाने , ज्ञानेन्द्र निरौला , आर्थिक पत्रकार मंचका जिल्ला अध्यक्ष रोहित काफ्ले र सुरुङ्गा प्रेस क्लवका अध्यक्ष राम निरौलासहितको टोलीले निर्वाचनको अनुगमन गरेको छ ।
तस्बीर ः मतगणनाबारे नियम बनाउदै निर्वाचन समिति र उम्मेद्धार प्रतिनिधि लीलाराज झापाली

Facebook Comments

Check Also

कनकाई उवासंघको पदस्थापना

कनकाई अनलाईन सुरुङ्गा । माघ ३ गते । गत पुस १२ गतेको निर्वाचनमा बिजयी हुने …

Leave a Reply

Your email address will not be published. Required fields are marked *