ताजा अपडेट
Home / Main News / बन्द निषेधित नगरी कनकाईमा कस्ले गर्यो बन्द ???

बन्द निषेधित नगरी कनकाईमा कस्ले गर्यो बन्द ???

कनकाई अनलाईन
झापाको पुरानो सदमुकाम झापा कुमरखोद जाने एकमात्र अमरपथ सडकखण्ड क्षेत्रका बासिन्दाले सडकको धुलोले घर पुरिएको भन्दै आज बिहानदेखि यस क्षेत्रका बासिन्दाले अनिश्चितकालिन सडक बन्द गराएका छन ।
सुरुङ्गा , शरणामती , कामाटोली हुदै झापाको पुरानो सदरमुकाम कुमरखोद झापाबजार जाने अमरपथ सडकखण्डमा सुरुङ्गा , टप्पु लगायातका स्थानमा सडक अवरोध र टायर बालेर विहानैदेखि सर्वसाधरणले सडक अवरुद्ध गरेका हुन । उनीहरुले आफ्नो आन्दोलनलाई टायर वालेर वातावरण प्रदुर्षण गरेको भन्दै वातावरणविदले विरोध गरेपनि उनीहरुले आफ्नो विरोधलाई रचनात्मक बनाउनका लागि विरोधको नारा समेत बाटोमा कवितामै लेखेका छन । लाग्न छाड्यो नगरपालिकाको भर ,
तत्काल बाटो निर्माण गर ,
जनताको स्वास्थ्यमाथि खेलबाड नगर
धुलो र धुवाले पुरियो हाम्रो घर
यसरी रोडमा कविताबाटै विरोध जनाएर यस क्षेत्रका सर्वसाधरण आन्दोलनमा उत्रिएका हुन । यस क्षेत्रका जनताहरुले आजसम्म गतिलो एकजनापनि नेता नपाउदा इतिहासकै पुरानो र सदरमुकाम जाने बाटोको यस्तो हविगत भएको स्थानीय बुद्धिजिवि डाक्टर आरएन संग्रौलाले बताए । जिल्लामा ठुला नेता भएका क्षेत्रमा दिनभरमा मुस्किलले २ वटा ट्क्याटर गुड्ने सडक रातारात कालेपत्रै भइसके तर झापाकै पुरानो सदरमुकाम जाने र दिनमै ५ सय वढी सवारी साधन गुड्ने यस अमरपथ सडकको हालत भने यस्तो छ , संग्रौलाले भने ।

स्मरण छ , यसअघि निर्वाचन जित्ने नेताहरुले यहि अमरपथ सडक बनाउने भन्दै भोट जित्दै आएका छन भने पछिल्लो समयको संघिय र प्रदेशसभाको आकर्षक चुनावी गित सुरुङ्गादेखि झापा बजार जोडने अमरपथ चार लेनको बाटो गित ज्यादै चर्चित बनेको थियो । अमरपथ सडक खण्डको वारेमा गितै बनाएर भोट मागेर निर्वाचन जितेपछि मतदाताले समेत विरोधका लागि सडकमा कविता लेखेर टागेरै विरोध जनाउनु परेको अर्का स्थानीयवाशी माधव भेट्वाल बताउछन । जनताको स्वास्थ्यमा खेलवाड नगर ,
धुलो र धुवाले पुरियो हाम्रो घर ।
अमरपथ सडक यसरी विहानैदेखि अवरुद्ध हुदा यस क्षेत्रहुदै हिड्ने हज्जारौ स्थानीयवाशी मर्कामा परेका छन । सडक खुलाउन सशस्त्र र जनपद प्रहरीको टोली परिचालन गरिएपनि सम्भव भने भएको छैन । झापाको सुरुङ्गा दक्षिण हुदै नेपालको सिमा लसुना जोड्ने २४ किलोमिटर सडक पटक पट्क कालोपत्रे भएपनि कमसल कालोपत्रे गरिदा ६ महिना नपुग्दै भत्किएर पिचलाई फेरि ग्राभेल बनाइदै आएको छ । बनिसकेको पिचबाटोलाई विग्रिदा टालटुल गर्नुको सट्टा पुन ग्राभेल गरिएपछि ठेकेदार कम्पनी र केहि मजदुरलाई रोजगारी दिन र सरकारको पैसा सक्न यस्तो हर्कत गरिएको आरोप स्थानीयको छ ।

तस्बीर सुरुड्गा टप्पुखण्डमा आज विहान टायर बालेर सडक अवरुद्ध पार्दै स्थानीय ः तस्बीर कनकाई अनलाईन

Facebook Comments

Check Also

निर्मलाका दोषीलाई कार्वाहीको माग गर्दै कनकाईमा प्रदर्शन

कनकाई अनलाईन कनकाई नगरपालिका अन्तर्गत सुरुङ्गामा निर्मला हत्याको विरोधमा मंगलबार प्रदर्शन गरिएको छ । कन्चनपुर …